Sunday, December 27, 2015

സർവ്വം സഹ



രാജീവന്റെ ഫോണ്‍ ആണ് എന്നറിഞ്ഞപ്പോൾ, ഷവറിന്റെ കീഴെ വിവസ്ത്രയായി നിന്ന അവൾ ഹാളിലേക്ക് ഓടുകയായിരുന്നു. 
ഫോണ്‍ ചെവിയോടു ചേർത്ത് 'നീ എപ്പോഴാ വരുന്നേ?" എന്നവന്റെ ചോദ്യത്തിന് മറുപടി പറയാൻ തുടങ്ങുമ്പോളാണ് പെട്ടെന്ന് അവൾക്കു പരിസരബോധം ഉണ്ടായത്. 
തിരിച്ചു ബാത്ത്റൂമിലേക്ക്‌ ഓടുമ്പോൾ അവൾ മനസ്സിൽ പറഞ്ഞു "കൃഷ്ണാ ആരുടെ കണ്ണിലും പെട്ടിട്ടില്ല, ഭാഗ്യം" 
ബാത്ത്റൂമിന് വെളിയിലേക്ക് വരുമ്പോൾ, അവളുടെ പതിനാറും പതിനേഴും വയസ്സായ കസിൻസ് മൊബൈൽ ഫോണിൽ നിന്ന് കമ്പ്യൂട്ടറിലേക്ക് എന്തോ അപ്‌ലോഡ്‌ ചെയ്തുകൊണ്ടിരിക്കുകയായിരുന്നു. 
അവളെ കണ്ടപ്പോൾ അവർ ചിരിച്ചുകൊണ്ട് എന്തെക്കെയോ പറയാൻ ശ്രമിക്കുന്നതായി അവൾക്കു തോന്നി. 
ഡ്രസ്സ്‌ ചേഞ്ച്‌ ചെയ്യുമ്പോൾ അവളുടെ മനസ്സ് നിറയെ രാജീവന്റെ ഓർമകൾ ആയിരുന്നു. 
എന്തായിരിക്കും അവന് തന്നോട് പറയാനായി ഉണ്ടായിരുന്നത്? 
വീട്ടിലേക്കു ക്ഷണിച്ചപ്പോൾ താൻ എന്തായിരിക്കും മറുപടിയിൽ പറയുന്നതെന്ന് കേൾക്കാൻ അവൻ ആഗ്രഹിച്ചിട്ടുണ്ടാവില്ലേ? പക്ഷെ ഒന്നും പറയാൻ കഴിഞ്ഞില്ല. 
ഇനി വേഗം പുറപ്പെടുക തന്നെ. 
എത്രയോ കാലമായി അങ്ങിനെയൊരു വിളിക്ക് വേണ്ടി താൻ കാത്തിരിക്കുന്നു. 
നിറഞ്ഞ മിഴികളുമായി കാറിന്റെ സ്ലൈഡ് ഗ്ലാസ്സിലൂടെ അവൾ പുറത്തേക്കു നോക്കി എന്നിട്ട് പതുക്കെ പിറുപിറുത്തു "സർവ്വം സഹയായ ഭൂമിയില്ലെ ഭാരതീയ സ്ത്രീത്വം, അപ്പോൾ നമ്മളെല്ലാം ആ വിധിക്ക് കീഴടങ്ങുന്നതാണ് സുരക്ഷിതത്വം"
പിന്നെയവൾ തന്റെ കയ്യിലുണ്ടായിരുന്ന ലെറ്റർപാഡിൽ എഴുതാൻ തുടങ്ങി : 

'പ്രിയപെട്ട രാജീവ്‌, പലവട്ടം വെട്ടിയും തിരുത്തിയും എഴുതികൊണ്ടിരിക്കുന്ന കഥയായി മാറികൊണ്ടിരിക്കുകയാണ് എന്റെ ജീവിതം.
ഒറ്റവരിയിൽ എഴുതി തീർക്കാവുന്ന കഥയിൽ കുറെ വെട്ടും തിരുത്തും അനാവശ്യമാണ് എന്നെനിക്കറിയാം. 
പക്ഷെ മനുഷ്യജീവിതം അത്തരം തിരുത്തലുകൾ ആവശ്യപ്പെടുന്നുണ്ട്. 
ജീവിതത്തെ കുറിച്ച് ചിന്തിക്കുമ്പോൾ ഏതാണ്ടെല്ലാ മനുഷ്യരും എഴുതെന്നത് ഒരുപോലെയാണ്‌ എന്ന് തോന്നുന്നു. 
ഒറ്റവരിയിൽ എഴുതി അവസാനിപ്പിക്കുന്നതിന് പകരം ഇത് നീട്ടി കൊണ്ട് പോവുന്നതിനു പ്രധാന കാരണം ഭാഷയിൽ പരിമിതപ്പെടുത്താൻ കഴിയാത്ത അനുഭവങ്ങളുടെ തീച്ചുളയിൽ ഞാൻ വെന്തുരുകുന്നത് കൊണ്ടാണ്.
ഇപ്പോൾ എന്റെ കാണാമറയത്ത് എവിടെയൊക്കെയോ പ്രതീക്ഷകളുടെ പൂക്കൾ വിരിഞ്ഞുവരുന്നത് പോലെ തോന്നിത്തുടങ്ങിയിരിക്കുന്നു.
ഈയിടെയായി ഒരു പ്രത്യേക സാഹചര്യമോ സംഭവങ്ങളോ ഓർത്തെടുക്കാൻ കഴിയാത്തവിധം മനസ്സ് ശൂന്യമായി പോയിരിക്കുന്നു. 
ഇല കൊഴിഞ്ഞു ഉണങ്ങിയ ചില്ലയിൽ പുതുനാമ്പുകൾ തളിരിടുന്നതും നോക്കിയുള്ള ഇരിപ്പ് വിരസമായി തീര്ന്നിട്ടുണ്ട്. 
ഒരു മാറ്റത്തിനു വേണ്ടി മനസ്സ് കൊതിച്ചുതുടങ്ങിയിരിക്കുന്നു. 
പക്ഷെ അതെങ്ങിനെ സാധ്യമാവും എന്നതിനെ കുറിച്ച് മാത്രമാണ് ആശങ്ക.
നിന്നെ വെറുക്കാൻ കഴിയാത്ത ഒരു സ്ത്രീയായി എന്തിനെന്നെ സൃഷ്ട്ടിച്ചു എന്ന ചോദ്യം മനസ്സിന്റെ ഉള്ളിലിരുന്നു കരയുമ്പോൾ, നിന്റെ സ്വരം കേള്ക്കാനും നിന്റെ സമീപത്തു ഓടിയെത്താനും ഞാൻ വല്ലാതെ ആശിച്ച് പോയിട്ടുണ്ട്. 


എങ്ങിനെ തുടങ്ങണം എന്നനിക്കറിയില്ല. 
നിന്നെ ഓർക്കുന്ന സമയത്തെല്ലാം എനിക്ക് ഭ്രാന്താണെന്ന് തോന്നാറുണ്ട്. 
അല്ലെങ്കിൽ നിന്റെ കൂടെ ഞാൻ ജീവിക്കുമായിരുന്നോ? 
നീ എന്നെ എന്തുമാത്രം മാനസികമായി ഉപദ്രവിച്ചിട്ടുണ്ട്. 
നാട് നിറയെ നിനക്ക് കാമുകിമാരായിരുന്നില്ലെ? 
സ്ത്രീകളുടെ കാര്യത്തിൽ നീ എപ്പോഴുമൊരു സോഷ്യലിസ്റ്റ്‌ ആയിരുന്നുവെന്നു എനിക്ക് തോന്നിയിട്ടുണ്ട്. 
ആ കാര്യത്തിൽ നിനക്ക് വലിപ്പ ചെറുപ്പമില്ല, മതങ്ങളുടെ വേർതിരിവില്ല, വർണ്ണ വിവേചനമില്ല, എല്ലാവരും ഒരുപോലെ. 
അവരോടു സല്ലപിക്കുവാൻ നിനക്ക് 'പെണ്ണ്' എന്ന വികാരം മാത്രം മതിയായിരുന്നു. 
എല്ലാമറിഞ്ഞിട്ടും നിന്നെ കുറിച്ച് വല്ലവരും മോശമായി പറയുമ്പോൾ എനിക്ക് അവരോടു ദേഷ്യം തോന്നുമായിരുന്നു. 
ഒന്നും ചെയ്യാൻ കഴിയാത്ത എന്റെ മനസ്സിന്റെ നിസ്സഹായതക്ക് മുന്നിൽ, എനിക്ക് തേങ്ങി കരയാൻ മാത്രമേ കഴിയുമായിരുന്നൊള്ളു . 
"ഇനിയുള്ള കാലം നമുക്ക് ഒന്നിച്ചു ജീവിച്ചുകൂടെയെന്നു ഒരിക്കൽ നീ ഫോണിലൂടെ ചോദിച്ചപ്പോൾ രാത്രികളുടെ ഏകാന്തതകളിൽ നിന്റെ പേര് വിളിച്ചു കരഞ്ഞതത് മനസ്സില് തികട്ടി വന്നു. പൊടുന്നനെ എന്റെ മനസ്സ് ആർദ്രമായി.
സ്നേഹത്തിന്റെ നിർമലമായ ഒരു വികാരം എന്നിലേക്ക്‌ ഓടിയെത്തുകയായിരുന്നു. 
നിന്നെ കെട്ടിപുണർന്നു എന്റെ കരവലയത്തിനുള്ളിൽ ഒതുക്കി നിന്റെ ചുണ്ടുകളിൽ തുരുതുര ചുംബിക്കുവാൻ ഞാൻ ആഗ്രഹിച്ചുപ്പോയി. 
പക്ഷെ എങ്ങിനെയോ ഞാൻ പോലും അറിയാതെ പുച്ഛമെന്ന മനോവികാരം എന്റെ മനസ്സില് ഉടലെടുക്കുകയായിരുന്നു. 
ആലോചിച്ചപ്പോൾ അത്രയെളുപ്പം നിനക്ക് വഴങ്ങി തരരുതെന്ന് തോന്നി. അതുകൊണ്ട്തന്നെയാണ് ഞാൻ ഒരു മറുചോദ്യം നിന്നോട് ചോദിച്ചത് "തനിച്ചു ജീവിച്ചു കൊതി തീര്ന്നുവോ" എന്ന്. 
ആ വാക്കുകൾ കേട്ട് നീ അത്ഭുതപ്പെട്ടുപോയി കാണും അല്ലെ? 
അതുകൊണ്ടാവണം വ്യക്തമായി ഒരു മറുപടി തരാതെ നീ വാക്കുകൾക്ക് തുടർച്ച നല്കിയത്. 
നീ എന്നോട് എന്താണ് പറഞ്ഞത് എന്നോർമയുണ്ടോ? 'നിനക്ക് ഞാനില്ലാതെ ജീവിക്കാൻ വയ്യാതെയായി എന്ന്. നിനക്ക് സ്വന്തമായുള്ളത് ഞാൻ മാത്രമാണ് എന്ന സത്യം നീ തിരിച്ചറിഞ്ഞുവെന്ന്'. 
എത്രയോ ആളുകൾ ഉപയോഗിച്ച് ആവര്ത്തിച്ച്‌ പഴകിയ ശൈലിയാണ് നീ ഉപയോഗിച്ചത് എന്നറിയുമോ? 
എല്ലാം അറിഞ്ഞുകൊണ്ട് തന്നെയാവണം വീണ്ടും അത്തരം വാക്കുകൾ നീ എടുത്തു പ്രയോഗിച്ചത്!! 
സ്നേഹിക്കുന്നവരോട്‌ സംസാരിക്കാൻ ഏറ്റവും നല്ല ഭാഷ ആവർത്തനങ്ങൾ ആണ് എന്ന് നീ വിശ്വാസിക്കുന്നുണ്ടാവണം. 
ആവർത്തനങ്ങൾ ഒരു ആണയിടൽ കൂടിയാണല്ലോ? സ്നേഹത്തിന്റെ ആണയിടൽ!


എനിക്ക് ഒട്ടും ആത്മാർത്ഥതയില്ലായിരുന്നു എന്നതാണ് വാസ്തവം. 
അല്ലെങ്കിൽ നിന്റെ പ്രയോഗത്തിലെ പഴമയെ കുറിച്ച് ഞാൻ ചിന്തിക്കില്ലയിരുന്നു. 
ജീവിതത്തിന്റെ ശിഷ്ടകാലം ഞാൻ കൂടി വേണമെന്ന് നീ പറഞ്ഞതിന്റെ പ്രധാന കാരണം നിന്റെ സ്വാർത്ഥതയാണ് എന്ന് എനിക്ക് തോന്നി. 
ഒറ്റപെട്ട ജീവിതം നീ സ്വയം വരിച്ചതല്ലേ? 
ആരോടും കടപാടില്ലാതെ ജീവിക്കുന്നതിലെ സുഖം ഓർത്തത്കൊണ്ടായിരുന്നില്ലേ അങ്ങിനെയൊരു തിരഞ്ഞെട്പ്പു നീ നടത്തിയത്. 
പക്ഷെ സുഖം ഒരു യാഥാര്ത്ഥ്യമല്ല അത് വെറും പ്രതീക്ഷകൾ ആണ് എന്ന നേരറിവു നിനക്ക് ഉണ്ടായില്ല. 
എന്നെ മറന്ന കൂട്ടത്തിൽ ചിലത് കൂടി നീ മറന്നു. 
അവനവനിലേക്ക്‌ മാത്രമായി സ്വയം ഒതുങ്ങി കൂടുന്നത് സത്യത്തിൽ പരാജയം ആണെന്നും പോരാടി ജീവിക്കുന്നതിലാണ് ശരിക്കും ആനന്ദമെന്നും നീ തന്നെയല്ലേ എന്നെ പഠിപ്പിച്ചത്. 
പക്ഷെ ഞാൻ കൂടെ ഉണ്ടാവുമ്പോൾ, നിന്റെ സര്ഗവാസനകൾ നശിച്ചുപോവുമോ എന്ന് നീ ഭയക്കുന്നു. 
എന്നിലേക്ക്‌ മാത്രമായി നിന്റെ ചിന്തകളും ദൈനദിന പ്രവര്ത്തനങ്ങളും ഒതുങ്ങി പോവില്ലേ എന്ന തോന്നലും നിനക്കുണ്ടായി.
നീ യഥാർത്ഥത്തിൽ ഒറ്റപ്പെടൽ ആഗ്രഹിച്ചത് എന്നിൽ നിന്ന് മാത്രമാണ് എന്ന് തോന്നിയിട്ടുണ്ട്.
 ഒറ്റപ്പെട്ട അവസ്ഥയിലും പൊഴിഞ്ഞു വീഴുന്ന പൂവുകളിലെ ഇതൾ അടർന്ന് വീഴുന്ന കാഴ്ചകൾ നീ ആസ്വദിച്ചിരുന്നു.
 ഞാൻ ഇല്ലെങ്കിലും മറ്റു എന്തൊക്കെയോ നിനക്ക് കൂട്ടിനുണ്ടായിരുന്നു. 
പക്ഷെ, ക്ഷണികമായ അവസ്ഥകൾ നിന്നിൽ മടുപ്പ് ഉളവാക്കിയിരിക്കണം. 
പിന്നെ തോന്നിയ ചിന്തയിൽ നിന്നാവണം വെളിച്ചത്തിലേയ്ക്കു ഓടിയെത്തി സ്വയം മരണം വരിക്കുന്ന ഈയാം പാറ്റകളെ കുറിച്ച് നിനക്ക് ഓർമവരുന്നത് .
 പക്ഷെ, കാലം ഈയാം പാറ്റകളെയും മാറ്റിയിരിക്കുന്നു.
 ഏതു തരം വെളിച്ചത്തിലേക്കാണ് ഓരോരുത്തരും അടുക്കേണ്ടത് എന്ന് ചിലരെങ്കിലും തിരിച്ചറിഞ്ഞിട്ടുണ്ട്.
 ഒരു കാലത്ത് എന്റെ മനസ്സിന്റെ ചിന്തകൾ നീ എന്ന വൃത്തത്തിനുള്ളിൽ  മാത്രം ഒതുങ്ങി പോവുന്നതായിരുന്നു.
 പക്ഷെ എവിടെയോ വച്ച് നിന്നെയെനിക്ക് നഷ്ടപ്പെടുകായിരുന്നു.
 എന്നെ ഒറ്റപ്പെടുത്തി പോയത് കൊണ്ട് മാത്രമല്ല അങ്ങിനെ സംഭവിച്ചത് പകരം, എന്നിൽ പാരതന്ത്ര്യം  കണ്ടെത്തിയ നിന്റെ ചിന്തകളും കാഴ്ച്ചപാടുകളും അതിനു നീ കണ്ടെത്തിയ മര്ഗവും കൊണ്ടായിരുന്നു.
 ഒരിക്കൽ നീ പറഞ്ഞു "ചിലോരോക്കെ എന്റെ നഷ്ടത്തെ കുറിച്ചും വാചാലരാവുന്നത് ഞാൻ കേട്ടിട്ടുണ്ട്. ഭാര്യക്ക് ഒപ്പം കഴിയാൻ ഭാഗ്യമില്ലാത്ത ഒരു ഹതഭാഗ്യനായി അവർ എന്നെ എണ്ണുന്നു. പക്ഷെ, അവർക്കാർക്കും ഇല്ലാത്ത പലതും എനിക്കുണ്ടായിട്ടുണ്ട്. അത് സ്വാന്തന്ത്ര്യം ആയിരുന്നു. കണ്ണിനു ഇഷ്ടപെടുന്ന ഏതു പെണ്‍കുട്ടിയോടും കൂടെ ശയിക്കാൻ ആഗ്രഹമുണ്ട് എന്ന് പറയാനുള്ള സ്വതന്ത്ര്യം എനിക്കുണ്ടായിരുന്നു. അവരുടെ ദേഷ്യവും, സങ്കടവും കലർന്ന മറുപടി എനിക്ക് ആഘോഷമായിരുന്നു. എന്റെ വാചലതയിലും ബാഹ്യപ്രഭയിലും ചില പെണ്കുട്ടികളെങ്കിലും ആകര്ഷിക്കപ്പെട്ടു പോയിട്ടുണ്ട്. പക്ഷെ ഒരു പൂവിൽ നിന്ന് മറ്റൊരു പൂവിലേക്ക് തേൻ തേടി പോവാൻ എനിക്ക് എളുപ്പം കഴിയുമായിരുന്നു. ചില വണ്ടുകളെങ്കിലും ഒരു പൂവിൽ നിന്ന് മാത്രമായി മധു നുകർന്ന് തങ്ങളുടെ ആയുസ്സ് ഹോമിച്ചു കളയുന്നുണ്ട്. എനിക്കവരെ വിഡ്ഢികൾ എന്ന് വിളിക്കാനാണ് തോന്നുന്നത്. പ്രകൃതിയിലെ ഏറ്റവും മധുരതരമായ അവസ്ഥ അവർ തിരിച്ചറിയപ്പെടാതെ പോവുകയാണ്".

നീ പറഞ്ഞത് കേട്ടപോൾ എനിക്ക് ദേഷ്യം തോന്നിയില്ല.
 കാരണം, പുരുഷന് എന്തുമാകാം എന്നൊരു കാഴ്ച്ചപാട് സമൂഹത്തിൽ നിന്ന് നിനക്ക് കിട്ടിയിട്ടുണ്ട്.
 യഥാർത്ഥത്തിൽ പുരുഷന്‌ മാത്രമാണോ ഇത്തരം സ്വാതന്ത്ര്യത്തിനു അവകാശമുള്ളത്?
 സ്ത്രീയുടെ പ്രണയവും, സ്നേഹവും, കാമവും, വികാരങ്ങളും, വിചാരങ്ങളും എല്ലാം ഒരു ബിന്ദുവിൽ മാത്രമായി ഒതുക്കേണ്ടതാണോ?
 ഭർത്താവ് എന്ന ബിന്ദുവിൽ?
 സ്ത്രീ ഇങ്ങിനെ വിചാരിച്ചു പോയാൽ ഉടനെ ധര്മ്മ പ്രബോധകർ അവളെ ഒരു ദുർനടപ്പുകാരിയായി മുദ്രകുത്തുന്നു.
 സദാചാരവിരുദ്ധ എന്ന് വിളിച്ചു അധിക്ഷേപ്പിക്കുന്നു.
 പക്ഷെ അവൾക്കും ഹൃദയമുണ്ട് എന്ന് ഈ ആളുകള് മറന്ന പോവുന്നു.
 ധര്മവും നീതിയും, സ്ത്രീക്കും പുരുഷനും തുല്യം ആവേണ്ടതല്ലേ?
 സ്ത്രീ ചിന്തിക്കുമ്പോൾ അത് അധാർമികവും പുരുഷൻ ചിന്തിക്കുമ്പോൾ അത് ആഘോഷവുമായായി മാറുന്നു.
 സമൂഹത്തിന്റെ ഈ വേര്തിരിവ് കൊണ്ട് മാത്രമാണോ, സ്ത്രീ പുരുഷന്റെ തണലിൽ ഒതുങ്ങി കൂടാൻ ആഗ്രഹിക്കുന്നത്?
 അല്ല, സ്ത്രീയുടെ സൃഷ്ടിപ്പ് കൂടി അതിനു കാരണമാവണം. അല്ലെങ്കിൽ ഞാൻ എന്നോ നിന്നെ വെറുത്തുപോയേനെ.


കണ്ണികൾ വേര്പ്പെട്ടുപ്പോയ ജീവിതം ഇപ്പോൾ നിന്നെ ഭയപ്പെടുത്തുന്നുണ്ട് അല്ലെ? 
എന്നിൽ നിന്നകന്ന് സ്വാതന്ത്ര്യം തേടി പോയ നീ സ്വയം പണികഴിച്ച തടവറയിൽ നിന്ന് പുറത്തു ചാടാൻ കഴിയാതെ ആത്മഗതം ചെയ്തു കൊണ്ടിരിക്കുന്ന അവസ്ഥയിൽ എത്തിനിൽക്കുന്നു.
 ഉപേക്ഷിച്ചത് അന്വേഷിച്ചു തിരിച്ചുവരുന്നത് ഒരർത്ഥത്തിൽ പരാജയമാണ്. 
എന്നിലേക്കുള്ള നിന്റെ മടങ്ങിവരവിനു പോലും ചിലപ്പോൾ അല്പായസ്സു മാത്രമേ കാണു.
 കൂടെ ശയിക്കുമ്പോൾ എന്റെ ശരീരത്തോട് താല്പര്യം കാണിക്കാതെ നിന്റെ സങ്കല്പ്പത്തിലെ പെണ്ശരീരം ഓർത്ത് രതിയുടെ സുവര്ണ്ണ ഭൂമിക തേടി യാത്രചെയ്തിരുന്ന ആളായിരുന്നില്ലേ നീ?
 എന്റെ ശരീരം നിന്റെ കണ്ണിൽ ആനന്ദപൂര്ണ്ണമാവുന്നില്ല എന്നാണ് ഒരിക്കൽ നീ പറഞ്ഞത്.
 അപ്പോൾ ഞാൻ പറഞ്ഞു "താല്പര്യം ജനിപ്പിക്കേണ്ടത് എന്റെ ശരീരമല്ല, നിന്റെ മനസ്സാണ്. എന്റെ ശരീരത്തിന് നിന്നെ അനുഭൂതിയിൽ എത്തിക്കാൻ കഴിയില്ല എന്ന് സങ്കല്പിക്കുന്ന നിന്റെ മനസ്സിന്റെ ചിന്തകളെ പിഴ്ത് ദൂരെ എറിയു. എന്നിട്ട് എന്റെ ശരീരത്തെ സ്നേഹത്തോടെ നിന്നിലേക്ക്‌ അടുപ്പിക്കു"
 അപ്പോൾ നീ അത് കേട്ടതായി ഭാവിച്ചില്ല. കാരണം നിന്റെ ലോകം സാങ്കൽപികമാണ്‌....... .
 രാത്രികളിൽ എന്നെ കെട്ടിപുണർന്ന് കിടക്കുമ്പോഴും ഉറങ്ങാതെ സ്വപ്നങ്ങളിൽ നിനക്ക് രതി അനുഭവിക്കാൻ കഴിയുമായിരുന്നു.
 പവിത്രമായി മാത്രം മനുഷ്യർ കാണുന്ന ദാമ്പത്യം കുറെ കഴിയുമ്പോൾ ഭാണ്ഡം പേറി ക്ഷീണിച്ച രണ്ടു കഴുതകളുടെ അവസ്ഥയിലേക്കാണ് എത്തുന്നതെന്ന് എനിക്ക് തോന്നിയ്ട്ടുണ്ട്.
 പൊട്ടിച്ചെറിയാൻ കഴിയുന്ന ഒരു താലിചരട് കൊണ്ടോ, വലിച്ചു കീറാൻ പാകത്തിലുള്ള ഒരു കടലാസ് കഷണം കൊണ്ടോ കഴുതകളെ സാമൂഹ്യക കുടുംബ ബന്ധങ്ങളുമായി ബന്ധിച്ചിരിക്കുന്നു.
 ബുദ്ധികൊണ്ട് അഹങ്കരിക്കുന്ന മനുഷ്യരെ കഴുതയോടു എന്തിനു ഉപമിക്കുന്നു എന്നൊരു ചോദ്യം ഉയര്ന്നു വന്നേക്കാം.
 പക്ഷെ, ഞാൻ പറഞ്ഞത് സത്യമാണ്.
 അല്ലെങ്കിൽ ഞാൻ ഒരിക്കലും നിന്റെ ഭാണ്ഡം പേറി ജീവിക്കില്ലയിരുന്നു.
 എന്റെ നേർക്ക്‌ കാമാര്‍ത്ത ദാഹത്തോടെ നോക്കുന്ന കണ്ണുകളെ അവഗണിക്കാൻ എനിക്ക് കഴിയില്ലായിരുന്നു.
 എല്ലാ പുരുഷന്മാരെപോലെ ഒരാൾ മാത്രമാണ് എന്റെ ഭർത്താവും എന്ന് സങ്കല്പ്പിക്കാൻ എനിക്ക് കഴിയുമായിരുന്നു.
 ശരിയും തെറ്റും ഞാനിപ്പോൾ ആലോചിക്കുന്നില്ല. അത് നാം തന്നെ നിർമ്മിക്കുന്ന്തല്ലെ?
 നിന്നെ കാണുമ്പോൾ ഇങ്ങിനെ മനസ്സ് തുറന്നു സംസാരിക്കാൻ എനിക്ക് കഴിഞ്ഞു എന്ന് വരില്ല.
 എന്റെ സ്വപങ്ങളിൽ നിറയെ നിന്റെ നീല കണ്ണുകളാണ്.
 ഒരു പക്ഷെ നിന്നെ കണ്ടുമുട്ടുമ്പോൾ ഞാനൊരു ദുര്ബലയായ ശിശുവായി മാറാം.
 പിന്നെ നിന്റെ നെഞ്ചിൽ തലചേർത്തു വിങ്ങിപൊട്ടി കരഞ്ഞേക്കാം.
 അപ്പോൾ പറയാനുള്ളത് എല്ലാം ഞാൻ മറന്നു പോയേക്കാം.
ജീവിതം ആകസ്മികത്വം നിറഞ്ഞതല്ലെങ്കിൽ പിന്നെന്താനൊരു ആകർഷണീയത. പ്രതീക്ഷിക്കുന്നത് മാത്രം സംഭവിച്ചാൽ മധുരമായ വേദനകളെ എങ്ങിനെ താലോലിക്കാൻ കഴിയും"
.
കാർ, രാജീവന്റെ വീടിനു അടുത്ത് എത്തിയപ്പോൾ അവൾ എഴുതികൊണ്ടിരിക്കുന്നത് നിർത്തി.
 ഡ്രൈവറോട് വണ്ടി വീടിന്റെ പോർച്ചിൽ കൊണ്ട് പോയി നിർത്താൻ നിര്ദേശം കൊടുത്തു.
 പുറത്തിറങ്ങിയപ്പോൾ വീടിനകത്തുള്ള ആള്ക്കൂട്ടം കണ്ട് അവൾ അമ്പരന്നു. 
അവൻ എന്തെങ്കിലും കടുംകൈ ചെയ്തു കാണുമോ?
 ഓർത്തപ്പോൾ അവളുടെ കണ്ഠമിടറി, മിഴികള്‍ നിറഞ്ഞു ഒഴുകി.
 ഒരു നിമിഷം സ്തബ്ധയായി നിന്ന അവൾ മൌനമായി തേങ്ങി "എന്റെ കൃഷ്ണാ...എന്റെ പ്രിയപെട്ടവന് ഒരാപത്തും വരുത്തരുതേ"
 പിന്നെ അവൾ നിലവിളിച്ചുകൊണ്ട് വീടിനകത്തേക്ക് ഓടി രാജീവന്റെ മുറിക്കകത്ത് എത്തി.
 കമ്പ്യൂട്ടറിന്റെ മുന്നിൽ ഇരിക്കുന്ന അവനെ കണ്ടപ്പോളാണ് അവൾക്കു ശ്വാസം നേരെ വീണത്.
അവളെ കണ്ടാപാടെ ലുങ്കി വാരിചുറ്റി അവൻ എഴുന്നേറ്റു അവളുടെ തോളിലൂടെ കയ്യിട്ടുകൊണ്ട് അവനിലേക്ക്‌ ചേർത്ത് നിർത്തികൊണ്ട്‌ പറയാൻ തുടങ്ങി .
" നീ വരുന്നത് ഒരു ആഘോഷം ആക്കാനാണ് ഞാൻ എല്ലാവരെയും വിളിച്ചത്.
 നീയും മറ്റു പെണ്‍കുട്ടികളും തമിലുള്ള വിത്യാസം എന്താന്നറിയുമോ നിനക്ക്?" അവൾ ചോദ്യഭാവത്തിൽ അവനെ നോക്കിയപ്പോൾ,യുറ്റുബ് തുറന്നു അവളുടെ വിവസ്ത്രയായ ഫോട്ടോ കാണിച്ചു കൊണ്ട് അവൻ പറഞ്ഞു
 "ശരീരത്തിലെ വളവുതിരിവുകളിൽ മാത്രമാണ് നിങ്ങൾ തമ്മിലുള്ള വിത്യാസം"

Sunday, December 20, 2015

ചില്ലുജാലകക്കാഴ്ചകൾ


ഓഫീസ് തിരക്കുകളില്‍ നിന്നുള്ള  മോചനത്തിനായി  തലവേദന എന്ന് കള്ളം പറഞ്ഞു ഒരു മെഡിക്കല്‍ ലീവ് എഴുതികൊടുത്തു വെറുതെ റൂമിലിരുന്നപ്പോളാണ്, ഏകാന്തത എത്രമാത്രം അസ്വസ്തതയുണ്ടാക്കുമെന്നു മുഹമ്മദ്‌ ഇസ്മയിലിനു മനസിലായത്. ഭാര്യയും മകളെയും വിട്ട്,  ജോലി ആവശ്യാര്‍ത്ഥം അബുദാബിയിലേക്ക് വന്നതൊന്നുമല്ല അയാളുടെ പ്രശ്നം.  വിദേശത്ത് ജോലി നോക്കിയത് ഒരര്‍ത്ഥത്തില്‍  അയാള്‍ക്ക് രക്ഷയാവുകയായിരുന്നു.  ഭാര്യയുമൊത്തുള്ള
പതിനാറു വര്‍ഷത്തെ ദാമ്പത്യജീവിതം അയാള്‍ക്ക് മടുത്തു കഴിഞ്ഞിരുന്നു. പതിനാലുകാരിയായ മകളുടെ ഭാവിയെ കുറിച്ചും,  പരലോക ജീവിതത്തിലെ സ്വര്‍ഗ്ഗ നരക ശിക്ഷകളെ കുറിച്ചും മാത്രമായിരുന്നു അയാളുടെ നാട്ടുമ്പുറത്ത്കാരിയായ ഭാര്യക്ക്  എന്നുമെന്നും പറയാനുണ്ടായിരുന്നത്. പുതിയ ലോകം, പുതിയ കൂട്ടുകാര്‍, സ്നേഹിക്കപ്പെടാനും സ്നേഹിക്കാനും കുറച്ചു പെണ്‍സുഹ്ര്‍ത്തുക്കള്‍ ഇതൊക്കെയായിരുന്നു പക്ഷെ മുഹമ്മദ്‌ ഇസ്ലാമായിലിന്റെ സ്വപനങ്ങള്‍.   ഓഫീസ് സമയങ്ങളില്‍ ജോലിക്കിടയില്‍ കിട്ടുന്ന നിമിഷങ്ങളിലെല്ലാം അയാള്‍ ഫേസ്ബുക്ക്‌  ലോകത്ത് തന്റെ സ്വപ്നങ്ങള്‍ സക്ഷാല്‍കരിക്കാനുള്ള വലകള്‍ നെയ്തുകൊണ്ടിരുന്നു.  തന്റെ ഇരുപത്തിയെട്ടാം വയസ്സിലെടുത്ത ചുവന്ന പശ്ചാത്തലമുള്ള ഒരു ഫോട്ടോയാണ് അയാള്‍ ഫേസ്ബുക്കില്‍ ഇട്ടിരുന്നത്.. അതിലേക്കു പെണ്‍കുട്ടികളുടെ ലൈക്ക് വരുന്നത് കൂടിയപ്പോള്‍ അയാളുടെ സിരകളില്‍  ഒരു ചെറുപ്പക്കാരന്റെ രക്തം ഒഴുകുന്നത് പോലെ തോന്നാന്‍ തുടങ്ങി..  ഇപ്പോള്‍ അയാള്‍ നിത്യവും ആ പെണ്‍കുട്ടികളില്‍ പലരുമായി സംസാരിക്കുന്നു.. ചിലരൊക്കെ അയാളില്‍ അനുരക്തയായിട്ടുണ്ട്.  ചിലരൊക്കെ  അയാളെ റുഡ് എന്ന് വിളിച്ചു അവരുടെ ഐ ഡി ഡിലീറ്റ് ചെയ്തു പോയിട്ടുമുണ്ട്..   പതിവുപോലെ അയാള്‍ അലസമായി ഫേസ്ബുക്ക്‌ തുറന്നു നോക്കി... പച്ച നിറത്തില്‍ ജ്വലിച്ചു നില്‍ക്കുന്ന അയാളുടെ പെണ്‍സുഹ്ര്‍ത്തുക്കളുടെ  ഐ ഡി യിലേക്ക് അയാള്‍ ഹായ് പറഞ്ഞെങ്കിലും ആരും തിരിച്ചു പ്രതികരിച്ചില്ല... കുറെ നേരത്തെ കാത്തിരിപ്പിനു ശേഷം..

രാജിമോള്‍:  i feel like crying.. i lost my life
മുഹമ്മദ്‌ ഇസ്മായീൽ: പിന്നെയും? പക്ഷെ കുട്ടിടെ അച്ഛന്‍ സ്നേഹത്തോടെയായിരിക്കില്ലേ അങ്ങിനെ ചെയ്തത്?
 രാജിമോള്‍:  സ്നേഹത്തോടെയാണോ രാത്രി ഉറങ്ങി കിടക്കുമ്പോള്‍ വന്നു കെട്ടിപ്പിടിക്കുന്നത്?
മുഹമ്മദ്‌ ഇസ്മായീൽ: സ്നേഹത്തിനു രാത്രിയെന്നോ, പകല്‍ എന്ന വേര്‍തിരിവുണ്ടോ? പത്താം ക്ലാസ്സുകാരിയായ  മകള്‍ ഉറങ്ങി കിടക്കുമ്പോള്‍ അച്ഛന് തന്റെ മകളെ സ്നേഹിക്കനോ, ലാളിക്കാനോ പാടില്ലേ?
രാജിമോള്‍:  അത് നിങ്ങള്‍ ബോയ്സിനോട്  പറഞ്ഞാല്‍ മനസ്സിലാവില്ല. ഒരു പൂകൊണ്ട് ശരീരത്തില്‍ തഴുകുന്നതും, ഒരു പാമ്പ് ശരീരത്തിലൂടെ ഇഴയുന്നതും മനസിലാക്കാനുള്ള കഴിവ് പ്രായപൂര്‍ത്തിയായ ഒരു  പെണ്‍കുട്ടിക്കുണ്ട്.
മുഹമ്മദ്‌ ഇസ്മായീൽ: പെണ്‍കുട്ടികള്‍ക്ക് എങ്ങിനെയാണ്‌ ഈ ഭീതി വരുന്നത്, നിന്നെ സ്നേഹിക്കുന്ന എനിക്ക് എല്ലാം സമ്മാനിക്കാന്‍ നീ തയ്യാറാവുന്നു. അതെസമയം  നിന്റെ അച്ഛന്‍ നിന്നെ സ്നേഹത്തോടെ കെട്ടിപുണരുമ്പോള്‍ നീ ഭയം കൊണ്ട് വിറച്ചു പോവുന്നു. എന്ത് കൊണ്ട് അങ്ങിനെ?
രാജിമോള്‍:  സ്നേഹത്തോടെ കൊടുക്കുന്നത് പോലെയാണോ ഒരാള്‍ ബലം പ്രയോഗിച്ചു എടുക്കാന്‍ ശ്രമിക്കുന്നത്.. അച്ഛനായാലും കൊള്ളാം, അപ്പുപ്പന്‍ ആയാലും കൊള്ളാം, a girl is always aware about a man's touch
രാജിമോള്‍: sign out


രശ്മി : ഞാന്‍ ഇവിടെ ആകെ പുലിവാല്‌ പിടിച്ചിരിക്കുകയാ
മുഹമ്മദ്‌ ഇസ്മായീൽ: എന്ത് പറ്റി
രശ്മി : എന്റെ അഫയര്‍ കാര്യം, ഇന്‍ ബോക്സ്‌ തുറന്നാല്‍.....
മുഹമ്മദ്‌ ഇസ്മായീൽ: ഓണ്‍ലൈന്‍ അഫയര്‍, മണ്ണാങ്കട്ട. ഈ സൈബര്‍ ലോകത്ത് ഒരു ഐ ഡി ഉണ്ടാക്കുമ്പോള്‍ എത്രയെത്ര പ്രേമങ്ങള്‍ നമ്മുടെ ലൈഫില്‍ ഉണ്ടാവുന്നു. ദിവസങ്ങളുടെ വാഗാദന പെരുമഴകള്‍ക്കൊടുവില്‍ ഒരു ബൈ പറഞ്ഞുകൊണ്ട് അവയോരോന്നും നമ്മള്‍ അവസാനിപ്പിക്കുന്നു. നീര്‍കുമിളകളുടെ  ആയുസ്സ് പോലുമില്ലാത്തവ. അതോര്‍ത്തു വെറുതെ ജീവിതം പാഴാക്കി കളയല്ലേ. ആരെയെങ്കിലും ഒരാളെ തേടിപിടിച്ചു വേഗം കെട്ടാന്‍ നോക്ക്.
രശ്മി : അങ്ങിനെ തോന്നുമ്പോഴേക്കും ഒരാളെ കെട്ടാന്‍ പറ്റുമോ? തോന്നുമ്പോള്‍ ഇട്ടറിഞ്ഞു പോവാന്‍ പറ്റിലല്ലോ?
മുഹമ്മദ്‌ ഇസ്മായീൽ: നിന്റെ വയസ്സ് കൂടി കൂടി വരുന്നു. ജീവിതത്തിലെ  നല്ല നാളുകള്‍ നഷ്ടപ്പെട്ടു കൊണ്ടിരിക്കുകയാണ്.  കാലം കഴിയുന്തോറും ജീവിതത്തിന്റെ സ്വഭാവീകമായ പരിണാമത്തിനു അനുസരിച്ച് യവ്വനത്തില്‍ ലഭിക്കേണ്ട സുഖത്തിനു മാറ്റങ്ങള്‍ വരും. തന്റെ ശരീരത്തിന്റെ ഉയര്‍ച്ച താഴ്ചകളില്‍ ഒരു പുരുഷന്റെ  സ്പര്‍ശന സുഖത്തിന്റെ ലഹരി അനുഭവിക്കാന്‍ യോഗമില്ലാതെ, വെറുമൊരു ശവശരീരം പോലെ തന്റെ ഭര്‍ത്താവിന്റെ കൂടെ കിടപ്പറയില്‍ കിടക്കേണ്ടി വരികയെന്നാല്‍ .. അതില്പരം ഒരു ദുര്‍വിധി സ്ത്രീക്ക് ജീവിതത്തില്‍ ഉണ്ടോ?
രശ്മി : എന്ത് ചെയ്യണമെന്നു ഒരു ഐഡിയ കിട്ടുന്നില്ല. വീട്ടുകാരെ നിഷേധിക്കാനും പറ്റുന്നില്ല. അവന്റെ പ്രണയം തിരസ്ക്കരിക്കാനും തോന്നുന്നില്ല. അവനിപ്പോഴും ഓണ്‍ലൈനില്‍ ഉണ്ട്.
മുഹമ്മദ്‌ ഇസ്മായീൽ: ആദ്യം അവനുമായുള്ള കോണ്ടാക്റ്റ്  നിര്‍ത്തണം. എന്നിട്ടൊരു പുതിയ ലോകം നമ്മള്‍ സ്വയം സൃഷ്ടിക്കണം. ആ ലോകത്ത് നമ്മളും പുതിയത്, നമുക്കുള്ള കൂട്ടുകാരും പുതിയത്.  നമുക്ക് ആരെയും അറിയില്ല, നമ്മളെയും ആരുമറിയില്ല. പുതിയ ലോകത്ത് നമ്മുക്കുള്ളത് പ്രതീക്ഷകളാണ്,  പക്ഷെ പഴയ ലോകത്ത് നമ്മുക്ക് ഉണ്ടായിരുന്നത് നഷ്ടപെടലുകളും വേദനകളും, കാലത്തിന്റെ മാറാല
കെട്ടിയ കുറെ ഓര്‍മകളും മാത്രമായിരുന്നു.
രശ്മി : ഇറ്റ്‌ ഈസ്‌ ടൂ കോംപ്ലിക്കേറ്റഡ്.
മുഹമ്മദ്‌ ഇസ്മായീൽ: എന്റെ അഭിപ്രായത്തില്‍ വീട്ടുകാരുടെ ഇഷ്ടത്തോടെയുള്ള ഒരു വിവാഹമാണ് നല്ലത് . എല്ലാവരില്‍ നിന്നുമകന്ന് സ്വന്തമായി ജീവിതം ആരംഭിക്കാന്‍ കുറച്ചു ബുദ്ധിമുട്ടുകളുണ്ട്  ഇങ്ങിനെ ഒരു തീരുമാനത്തിലേക്ക് മനസ്സിനെ  കൊണ്ടെത്തിക്കുന്നത് ഒരര്‍ത്ഥത്തില്‍ നമ്മള്‍ നമ്മളോട്സ്വയം യുദ്ധം ചെയ്യുന്നത് പോലെയാണ്.  കുടുംബ ബന്ധങ്ങളുടെ സ്നേഹവലയത്തില്‍ നിന്ന്, എല്ലാം ഉപേക്ഷിച്ചു മറ്റൊരാളിന്റെ സ്നേഹത്തിനു മാത്രമായി ജീവിക്കുമ്പോള്‍,  നമ്മള്‍ ആഗ്രഹിക്കുന്ന  അതെ അളവില്‍ സ്നേഹം തിരിച്ചു  കിട്ടാതെയാകുന്ന ചില അവസരങ്ങള്‍ ജീവിതത്തില്‍ വന്നു ചേരാം  അപ്പോള്‍ അയാളുമായി സമരസപ്പെട്ടു പോവാന്‍ കഴിയാതെ  കലഹങ്ങളിലേക്ക് ജീവിതം നമ്മളെ നയിക്കുന്നു. പക്ഷെ ഓരോ കലഹവും അവസാനിക്കുക നമുക്കൊന്നും നേടാന്‍ കഴിയാതെയായിരിക്കും.  കാരണം നമുക്ക് ആരുമില്ല അഭയംതേടാന്‍ എന്ന സത്യം പതിയെ മനസ്സിലവുമ്പോള്‍  നിസ്സഹായത നമ്മളെ ഭരിക്കാന്‍ തുടങ്ങും. പിന്നെ പ്രളയജലത്തില്‍ ഒറ്റപെട്ടുപോയ ഒരു നൌകയെ പോലെ,  ഒരു ശൂന്യത നമുക്ക് ചുറ്റും വലയം തീര്‍ക്കും.. അവിടെ വച്ച് നമ്മള്‍ നമ്മുടെ ജീവിതത്തെ പഴിച്ചു തുടങ്ങും.
രശ്മി : പലപ്പോഴും നമ്മള്‍ തിരഞ്ഞു എടുക്കുന്നതോ പ്ലാന്‍ ചെയ്യുന്നതോ ഒന്നുമല്ലല്ലോ ജീവിതത്തില്‍ സംഭവിക്കുന്നത്.
മുഹമ്മദ്‌ ഇസ്മായീൽ: അയ്യോ.. എനിക്ക് വിശക്കുന്നു. പച്ചവെള്ളം കൂടി കഴിക്കതെയാ.. ബെഡ്ഡില്‍ നിന്ന്  നേരെ ഇതില്‍ കയറി ഇരുന്നത്..
രശ്മി : ഞാനും ഒന്നും കഴിച്ചിട്ടില്ല. ഇന്നലെ രാത്രി ഇരുന്നതാ. ഒന്ന് കിടക്കട്ടെ... വൈകിട്ട് കാണാം.
രശ്മി sign out

നാന്‍സി :  ഹായ് ഡാ
മുഹമ്മദ്‌ ഇസ്മായീൽ: ഇന്നലെ എന്റെ ഫ്രണ്ട്നെ കണ്ടു, അവള്‍ പറഞ്ഞു എന്റെ മുഖം മാറിയിട്ടുണ്ടെന്നു . ഇപ്പോള്‍ എന്റെ മുഖം  റൂബി മിഠായിയെ പോലെയുണ്ടെന്ന്.  ഹലോ .. ഹലോ.. എന്താ മിണ്ടാത്തത്?
നാന്‍സി : ഏതു ഫ്രണ്ട്??
മുഹമ്മദ്‌ ഇസ്മായീൽ: ഹ ഹ ഹ പെണ്ണിന് അസൂയ. സന്തോഷിക്കുകയല്ലേ  വേണ്ടത്.  ഞാന്‍ നിന്നെപോലെയുള്ള  ഒരു പെണ്ണിനെയാണ് കണ്ടത്. നിന്റെ അതെ വര്‍ഗത്തില്‍പെട്ട, എപ്പോഴും ചൂഷണത്തിന് വിധേയമാവാന്‍ വിധിക്കപെട്ട ഏകയായ ഒരു മുളംതണ്ട്‌.. ഏതു നിമിഷവും ചില്ല് കഷണങ്ങളായി ചിതറി തെറിക്കുന്ന പളുങ്ക് പത്രം.
നാന്‍സി  : ഹയ്യോ  മതി മതി. നിന്റെ സാഹിത്യം മഹാ ബോറ്, നിനക്കൊരു പെണ്ണിനെ വര്‍ണ്ണിക്കാന്‍ കൂടി അറിയില്ല. "രതിസുഖസാരമായി ദേവി് നിന്നെ തീർത്തൊരാ ദൈവം കലാകാരൻ" ഇത് എഴുതിയ യുസഫലി കേച്ചരിയെ പോലെ ഒരു വരി എഴുതാന്‍ പറ്റുമോ നിനക്ക്? ഇപ്പോഴാത്തെ നിന്നെ പോലെയുള്ളയുള്ള മഞ്ഞ കണ്ണുള്ളവര്‍ക്ക്  പെണ്ണിന്റെ വിലാപം മാത്രമേ കാണാന്‍ കഴിയു.
മുഹമ്മദ്‌ ഇസ്മായീൽ: എന്റെ ദൈവമേ, എന്റെ ശരീരഭാരം കൂടിയപ്പോള്‍ എന്റെ മുഖത്തുണ്ടായ വ്യത്യാസത്തെ കുറിച്ചുള്ള   ഒരു കൂട്ടുകാരിയുടെ വിലയിരുത്തലിന്റെ കാര്യമാണ് ഞാന്‍ പറഞ്ഞത്.. അവളുടെ സ്കൂള്‍ കാലഘട്ടത്തില്‍ ഉണ്ടായിരുന്ന ഒരു മിഠായിയാണ് റൂബിമിഠായി.. ആ മിഠായിക്ക് ഒരേ സമയം രണ്ടു രുചികളാണ്  ഒരു ഭാഗത്ത് മധുരനാരങ്ങയുടെ രുചിയാണെങ്കില്‍ മറുഭാഗം ഞാവല്‍പ്പഴത്തിന്റെ രുചിയായിരിക്കും .  അതിനാണ് വെറുതെ  നമ്മള്‍ കാടും മലയും കുന്നും കയറി പോയത്.. ഇനിയിപ്പോള്‍ ഫുഡ്‌ കുറക്കണം. രണ്ടു ചപ്പാത്തിയും കുറച്ചു പച്ചവെള്ളവും കൊണ്ട് കുറച്ചുകാലം ദരിദ്രനായി ജീവിക്കണം. മാത്രമല്ല മദ്യപാനശീലവും ഉപേക്ഷിക്കേണ്ടി വരും. .ഉറക്കമില്ലായ്മ എന്നൊരു കാരണം കണ്ടെത്തിയാണ്  ഞാന്‍  മദ്യപാനശീലം  തുടങ്ങിയത്.  ഉറക്കം  ജീവിതകാലം മുഴുവന്‍ നമുക്ക് വേണമല്ലോ.. അപ്പോള്‍ കുടിയും ജീവിതകാലം മുഴുവന്‍ വേണ്ടി വരില്ലേ? കുടിക്കാതെ ഉറക്കം വരുന്ന ഒരു അവസ്ഥയിലേക്ക് മനസ്സിനെയും ശരീരത്തെയുമെത്തിക്കണം. .. അല്ലെങ്കില്‍ അത് ജീവിതത്തെ നരകതുല്യമാക്കുന്ന ഒരവസ്ഥയിലേക്കു  എത്തിക്കും.
നാന്‍സി : ഉറക്കമില്ലായ്മ ഇപ്പോഴത്തെ ഫാഷന്‍ ആയി മാറിയിട്ടുണ്ടെന്നു തോന്നുന്നു !
മുഹമ്മദ്‌ ഇസ്മായീൽ: ഉറക്കമില്ലായ്മയാണോ പുതിയ  ജീവിതക്രമത്തിന്റെ സംഭാവന? ഇരുപത്തിയഞ്ചു വയസ്സുകാരിയായ ഒരു  പെണ്ണിന്റെ  ഉറക്കമില്ലായ്മയെ കുറിച്ച് മനസിലാക്കാന്‍ വലിയ വിജ്ഞാനമൊന്നും വേണ്ട.
നാന്‍സി  :  എനിക്ക് ഉറക്കമില്ലായ്മയുണ്ടെന്നു ആര് പറഞ്ഞു.. എനിക്ക് ഉറക്കം കൂടുതലാണ്. എത്ര ടെന്‍ഷന്‍ ഉണ്ടെങ്കിലും ഞാന്‍ ഉറങ്ങും.
മുഹമ്മദ്‌ ഇസ്മായീൽ: ക്രമം തെറ്റിയ ഉറക്കമാണ് അത്.  രാത്രിയില്‍ ഉണര്‍ന്നിരുന്നു ഇന്റെര്‍നെറ്റിന്റെ ലോകത്ത് തന്റെ ഉറക്കമില്ലായ്മയുടെ  കാരണങ്ങളിലെ ഗ്രന്ഥികള്‍ക്ക് ഉന്മേഷം പകര്‍ന്നു നല്‍കി അനുഭൂതിയുടെ
ആഴകയങ്ങളിലൂടെയുള്ള യാത്രയുടെ പരിണിത ഫലമാണ് ഇത്തരം ഉറക്കം.. ആലസ്യത്തിന്റെ ഉറക്കമെന്നു വേണമെങ്കില്‍ അതിനെ വിശേഷിപ്പിക്കാം  ഇതും  ഈ യുഗത്തിലെ ജീവിതക്രമങ്ങളുടെ സംഭാവന തന്നെ.
നാന്‍സി  : ഹേ.. അത്തരം താത്‌പര്യമുണര്‍ത്തുന്ന രസകരമായ  ഒന്നുമല്ല ഇപ്പോഴത്തെ എന്റെ  ഓണ്‍ലൈന്‍ ലോകം. ഒരാളോട് സംസാരിച്ചു തുടങ്ങുമ്പോള്‍, പ്രതീക്ഷിക്കാവുന്ന ഉത്തരങ്ങള്‍ തന്നെയാണ് നമുക്ക് തിരിച്ചു കിട്ടുന്നത്.
മുഹമ്മദ്‌ ഇസ്മായീൽ: എന്റെ കാര്യത്തില്‍ കുറച്ചു മുമ്പുവരെ സ്ത്രീകളുമായി സംസാരിക്കുമ്പോള്‍ ശരീരത്തിലൂടെ  കറന്റ്‌ പാസ്‌ ചെയുന്നത് പോലെ ഒരു അനുഭൂതി തോന്നിയിരുന്നു. .പക്ഷെ ഇപ്പോള്‍ അത്തരത്തില്‍ ഒന്നും തോന്നുന്നില്ല.. അതിനര്‍ത്ഥം വയസ്സ് കൂടി വരുന്നുവെന്നാണോ? ആയിരിക്കണം കാരണം അങ്ങിനെയുള്ള അവസ്ഥകളില്‍ നമ്മുടെ ചിന്തകളില്‍  മാത്രമായിരിക്കും സെക്സ്.
നാന്‍സി : ഹെന്റെ അമ്മോ.. ഇപ്പോള്‍ മനസ്സിലായി നിന്റെ വൈക്ലബ്യത്തിന്റെ മൂല കാരണം.
മുഹമ്മദ്‌ ഇസ്മായീൽ: ഹ ഹ ഹ.. എന്റെ സംസാരം തന്നെ കണ്ടില്ലേ.. നമ്മള്‍ ആദ്യം കാണുമ്പോള്‍ എന്റെ സംസാരം നിറയെ അത്ഭുതവും ആശ്ചര്യതയും നിറഞ്ഞതായിരുന്നു.. ഇപ്പോള്‍ ഫിലോസഫികള്‍ മാത്രം.  കാരണം എന്താന്നറിയുമോ? നിരാശയാണ് എന്നെ ജീവിപ്പിക്കുന്നത്.. ആഗ്രഹിച്ചത് പോലെയൊന്നും ആവാന്‍ കഴിയാത്തതിലുള്ള ഇച്ഛാഭംഗം .
നാന്‍സി  : യഥാര്‍ത്ഥത്തില്‍ ഐ ഡോണ്ട് ലൈക്‌ സെക്സ് ചാറ്റ് ഓര്‍ ഫോണ്‍ സെക്സ്,  എന്റേത് ഇത്തിരി അശ്ലീലം എന്ന വകുപ്പിള്‍ പെടുത്താമെന്ന് തോന്നുന്നു. രാത്രിയില്‍ ഇത്തരം ഒരു സംസാരം ഒത്തിരി മാനസിക സുഖം നല്‍കുന്നു.
മുഹമ്മദ്‌ ഇസ്മായീൽ: അപ്പോള്‍ നിന്റെ ഭര്‍ത്താവു.. അങ്ങേരു വിളിക്കാറില്ലേ?
നാന്‍സി  : ഹേ.. ആ വിഷയം വിടു... അത് ഒരു ഏര്‍ലി മാര്യേജ്.. .എനിക്ക് അങ്ങേരെ കുറിച്ച് സംസാരിക്കാന്‍ താല്പര്യമില്ല. .. ബൈ .. പിന്നെ കാണാം..
നാന്‍സി sign out


ജാസ്മീന്‍ : ആരോട് പറഞ്ഞാലും കൊള്ളാം.. അങ്ങിനെയിപ്പോള്‍ എന്നോട് പറഞ്ഞുസുഖിക്കണ്ട.. i don't like this and  i have my own restrictions.
മുഹമ്മദ്‌ ഇസ്മായീൽ: നിന്റെ റിസ്ട്രിക്ഷന്‍സ് കള്ളമാണ് .. മനസ്സില്‍ ആഗ്രഹമുണ്ട്.. ബട്ട്‌ പുറത്തേക്കു അത് പ്രകടിപ്പിക്കുന്നില്ല.
ജാസ്മീന്‍ : i cant do that with strangers
മുഹമ്മദ്‌ ഇസ്മായീൽ: പക്ഷെ നമുക്ക് അടുപ്പമുണ്ടല്ലോ.
ജാസ്മീന്‍ :  you are my good friend, so i can't with you.
മുഹമ്മദ്‌ ഇസ്മായീൽ: ഒരു ഗുഡ് ഫ്രണ്ട് ആവുന്നതല്ലേ നല്ലത്.. ആ സ്വാന്തന്ത്ര്യം  ഉപയോഗപ്പെടുത്തമല്ലോ.
ജാസ്മീന്‍ :  may be guys think so, they like to talk abt sex. i mean, most of them.
മുഹമ്മദ്‌ ഇസ്മായീൽ: ആയിരിക്കാം.. ഞാന്‍ അല്ല.
ജാസ്മീന്‍ : good awesome! men who brag about sex are like barking dog but, they don't  bite.
മുഹമ്മദ്‌ ഇസ്മായീൽ: എന്നെ ഇഷ്ടപ്പെട്ടിരുന്ന ഒരു പതിനെട്ടുകാരി പെണ്‍കുട്ടിയിയുമായി ഒരിക്കല്‍ ഞാന്‍ ഫോണില്‍ സംസാരിച്ചിട്ടുണ്ട്.  രാത്രിയുടെ നിശ്ശബ്‌ദതയില്‍ ഞങ്ങളുടെ സംസാരം പതിയെ പതിയെ സ്ത്രീ ശരീരത്തിന്റെ മാന്ത്രികതയിലേക്ക് നീണ്ടു. പിന്നെ അവളുടെ സ്വരം മാറി വരുന്നത് പോലെ തോന്നിപ്പിച്ചു.. പൊടുന്നനെ എന്നിലും എന്തോ ഫണം വിടര്‍ത്തി.  ഞാന്‍ അവള്‍ പറയുന്നത് കേട്ട് മൂകമായി നിന്നു.   അവളുടെ ഇടറിയ വികാര തീവ്രതയുടെ ശബ്ദം പിന്നെ പിന്നെ ഭീതിജനകമായ ഒരു അലര്‍ച്ചപോലെ തോന്നിപ്പിച്ചു.    ഞാന്‍ ഈ കാര്യം പറഞ്ഞത് കേട്ടപ്പോള്‍  നിനക്ക് എന്നോടുള്ള ഇഷ്ടം പോയോ?
ജാസ്മീന്‍ : No...men are like this.  കട്ട് തിന്നതാണ് സുഖം എന്ന് ഗയ്സ് പറഞ്ഞു കേട്ടിട്ടുണ്ട്.  സീ.. സെക്സ്  ചാറ്റ് ചെയ്യാന്‍ ഉള്ളതല്ല..
മുഹമ്മദ്‌ ഇസ്മായീൽ: പക്ഷെ അത് അനുഭവിക്കാന്‍ ഭാഗ്യമില്ലാത്തവര്‍ക്ക് പറഞ്ഞു തീര്‍ക്കേണ്ടി വരും.
ജാസ്മീന്‍: അതൊക്കെ ഞരമ്പ് രോഗികള്‍ക്കാണ്.
മുഹമ്മദ്‌ ഇസ്മായീൽ: സ്ത്രീകളിലും ഞരമ്പ് രോഗികള്‍ ഉണ്ടോ?
ജാസ്മീന്‍: നോര്‍മല്‍ സെക്സിലൂടെ സാറ്റിസ്ഫൈഡ് ആവാത്തവര്‍...  but a healthy person will never do that. if u talk with somone spl abt this, its ok..
മുഹമ്മദ്‌ ഇസ്മായീൽ: സ്പെഷ്യല്‍ സംവണ്‍ ചാറ്റിങ്ങില്‍ കൂടി ഉണ്ടാക്കികൂടെ? നമുക്ക് ഇഷ്ടപ്പെട്ട ഒരാള്‍.. എപ്പോഴും കാണാന്‍ തോന്നുന്ന, എപ്പോഴും സംസാരിക്കാന്‍ തോന്നുന്ന ഒരാള്‍..
ജാസ്മീന്‍  : yes, i hv such a person. we share such feelings everyday
മുഹമ്മദ്‌ ഇസ്മായീല്‍ sign out

അയാള്‍ക്ക് വല്ലാത്ത ഒരു മടുപ്പ് തോന്നി. ഛെ എന്ന ശബ്ദം പുറപ്പെടുവിച്ചു കൊണ്ട് അയാള്‍ സ്വയം  തലയില്‍ അടിച്ചു.. ഒരാളുമായി സ്ഥിരമായി ഫോണ്‍ സെക്സ് ചെയ്യുന്ന ഒരു പെണ്ണിനോടാണോ തനിക്കു ഇഷ്ടം തോന്നിയത്!!!  അവളെയാണോ താന്‍ സെക്സ് ചാറ്റ് ചെയ്യാന്‍ നിര്‍ബന്ധിച്ചത്. അയാളില്‍ കുറ്റബോധം നിറഞ്ഞു. അനിയന്ത്രീതമായ ദേഷ്യവും സങ്കടവും അയാളുടെ മനസ്സ് സംഘർഷഭരിതമായ ഒരു അവസ്ഥയില്‍ എത്തിച്ചു. ഇനിയൊരിക്കലും അവളെ കാണില്ലന്നു അയാള്‍ ശപഥം ചെയ്തു.  പിന്നെ ഫേസ്ബുക്ക്‌ തുറന്നു അവളുടെ ഐ ഡി ഡിലീറ്റ് ചെയ്തു.   അപ്പോഴാണ് രാജിമോളുടെ ഐഡിയിലെ പച്ചവെളിച്ചം അയാളുടെ ശ്രദ്ധയില്‍ പെട്ടത്.. ഉടനെ അയാള്‍ അവളുടെ ഇന്‍ ബോക്സിലേക്ക് മെസ്സേജ് അയച്ചു..

മുഹമ്മദ്‌ ഇസ്മായീൽ: ഹായ് രാജിമോള്‍.. i was crying for the whole day, i can't imagine ur life.
രാജിമോള്‍: ഞാന്‍ കൊച്ചായിരിക്കുമ്പോള്‍ എന്നെയെടുത്തുകൊണ്ട് നടന്നിരുന്നത്  അച്ഛനായിരുന്നു. .. അച്ഛന്റെ നെഞ്ചില്‍ കിടന്നയിരുന്നു ഞാന്‍ ഉറങ്ങിയിരുന്നത് എനിക്ക് താരാട്ടു പാട്ട് പാടി തന്നു ഉറക്കിയതും, എന്റെ നെറ്റിയില്‍ പൊട്ടു തൊടുവിച്ചു, എന്റെ കവിളില്‍ ഉമ്മ തന്നു സ്കൂളിന്റെ പടിവാതില്‍ വരെ കൊണ്ട് വിട്ടിരുന്നതും അച്ഛനായിരുന്നു. ആറാം ക്ലാസ്സില്‍ പഠിക്കുമ്പോള്‍ എനിക്കൊരിക്കല്‍ ചിക്കന്‍പോക്സ് വന്നു. അന്ന് രോഗം മാറുന്നത് വരെ അച്ഛനെനിക്ക് കാവലിരുന്നു.. എന്റെ നെഞ്ചിലെ വ്രണങ്ങളില്‍ ഒയിന്‍മെന്റ് പുരട്ടുമ്പോള്‍ നിറഞ്ഞു കവിഞ്ഞു ഒഴുകിയിരുന്ന അച്ഛന്റെ കണ്ണുകളെ ഇന്നുമെനിക്ക്‌ മറക്കാന്‍ കഴിയുന്നില്ല.   പക്ഷെ എവിടെയോ വച്ച് അച്ഛനും ഞാനും തമിലുള്ള ബന്ധം മുറിഞ്ഞു. എന്റെ ശാരീരിക വളര്‍ച്ചയില്‍ ഞാന്‍ വെറും ഒരു പെണ്ണും അച്ഛന്‍ എന്റെ ശരീരത്തെ ആഗ്രഹിക്കുന്ന ഒരു ആണുമായി. . ഇന്നെനിക്കു എന്റെ അമ്മയെ ഓടിച്ചെന്നു കെട്ടിപിടിക്കാം,  ഉമ്മ വക്കാം... മടിയില്‍ തലവെച്ചു കഥകള്‍ പറഞ്ഞു കിടക്കാം.. എന്റെ . അനിയത്തിയോടും ഇതുപോലെയൊക്കെ ചെയ്യാം.. .. പക്ഷെ അച്ഛനോടോ ചേട്ടനോടോ പാടില്ല.. എന്ത് കൊണ്ടെന്നു ചോദിച്ചാല്‍  വിശദീകരിക്കാന്‍ അറിയില്ല.
മുഹമ്മദ്‌ ഇസ്മായീൽ: എന്തെക്കെയോ നമ്മളുടെ  പെണ്‍കുട്ടികളെ പേടിപ്പിക്കുന്നു അല്ലെ? . സ്വയരക്ഷക്കുള്ള ഒരു  ബദ്ധപ്പാട് എല്ലാവരിലും നിറയുന്നു.. ഇന്ന് പെണ്‍കുട്ടികളുടെ ലോകത്ത് ഒരു തരം അരക്ഷിതത്വം നിറഞ്ഞു നില്‍ക്കുന്നു അല്ലെ?
രാജിമോള്‍: ഞാനടക്കം എല്ലാ പെണ്‍കുട്ടികളും ആണിനെ നോക്കുന്നത് സംശയത്തോടെയാണ്.
മുഹമ്മദ്‌ ഇസ്മായീൽ: പുതിയ കാലമാണോ ഇത്തരമൊരു  മാറ്റം ഉണ്ടാക്കിയത്?  ഇന്ന് കണ്ണിന്റെ കാഴ്ചകള്‍ക്ക് അതിരുകളില്ല.. അത് കൊണ്ട് കാണാന്‍ പാടില്ലാത്തതും കാഴ്ചകളില്‍ നിറയുന്നു..
രാജിമോള്‍: വെറുതെ കാലത്തേ പഴിക്കുന്നില്ല. മനുഷ്യന്റെ ഹൃദയം മാറിയിട്ടില്ല.. അവര്‍ക്കിടയില്‍ മൃഗങ്ങളും മാലാഖമാരും ഉണ്ട്.  ഇന്നത്തെ കാലത്ത്  ഇല്ലാതെയായത്  ഒരു കാര്യം മാത്രമാണ്.. തിരിച്ചറിവ്..ആര്‍ക്കു ആരെ  വിശ്വസിക്കാന്‍ കഴിയും?.. ഞാന്‍ ഈ ഇന്റര്‍നെറ്റ് ലോകത്ത് പരിചയപെട്ട വ്യക്തികളില്‍ ഏറ്റവും നല്ലതായി കണ്ടത് ഇസ്മയിലിന്റെ  സ്വഭാവമാണ്.  അത്കൊണ്ട് എനിക്ക് എല്ലാം തന്നോട് പറയാം. അത് കൊണ്ട് തന്നെയാണ് എന്റെ അച്ഛനെ കുറിച്ചുള്ള കാര്യം തന്നോട് പറഞ്ഞതും.
മുഹമ്മദ്‌ ഇസ്മായീൽ: എന്നെ വിശ്വസിക്കാം. 
രാജിമോള്‍ :  ഉറങ്ങിയിട്ട് ദിവസങ്ങളായി. കണ്ണടച്ചാല്‍, ശരീരത്തിലൂടെ ഒരു പാമ്പ് ഇഴഞ്ഞു നീങ്ങുന്നത് പോലെ ഒരു തോന്നല്‍.  വെറുതെയാണ് ആ തോന്നല്‍ എന്ന് വിചാരിച്ചു വീണ്ടും കണ്ണുകള്‍  ഇറുകെ അടക്കമ്പോള്‍, ആ പാമ്പ് ഇഴഞ്ഞു ഇഴഞ്ഞു എന്റെ വസ്ത്രങ്ങല്‍ക്കിടയിലൂടെ.. നീ എനിക്ക് ധൈര്യം തരുമോ? എങ്കില്‍ ഞാന്‍ അയാളെ കൊല്ലാം.  എന്റെ അനിയത്തിയെങ്കിലും എനിക്ക്  രക്ഷപെടുത്തമല്ലോ?  ഇസ്മായീല്‍ .. ഇസ്മായില്‍ .... എന്താ മിണ്ടാത്തത്..
മുഹമ്മദ്‌ ഇസ്മായീല്‍  sign out

അയാള്‍ക്ക് തന്റെ പതിനാലു വയസ്സുകാരിയായ മകളെ ഓര്മ വന്നു.. കുറച്ചുനേരത്തെ ആലോചനക്കു ശേഷം  അയാള്‍ ഒരു പുതിയ  ഐ ഡി ജിമെയിലില്‍ ക്രിയേറ്റ് ചെയ്തു.    ആ ഐ ഡി മകളുടെ ഫോണിലേക്ക്  മെസ്സേജ് അയച്ചുകൊണ്ടയാള്‍ തന്റെ  ജിമെയില്‍ ഐ ഡി തുറന്നു..

മുഹമ്മദ്‌ ഇസ്മായീൽ: അസ്സലാമു അലൈക്കും  മോളു.. എപ്പോഴാ വന്നത്
ഫസീല  : വ അലൈക്കും മുസ്സലാം ... മെസ്സേജ് കിട്ടിയപ്പോള്‍ തന്നെ ഞാന്‍ ആഡ് ചെയ്തു.  എന്താ ഉപ്പാ  പുതിയ ഐ ഡി? ഏതെങ്കിലും റിട്ടയെര്‍ഡു പാര്‍ട്ടികള്‍ ഉണ്ടോ..?
മുഹമ്മദ്‌ ഇസ്മായീൽ: മോളു.. നല്ല അടി വച്ച് തരും.  ഉപ്പയോട്‌ ഇങ്ങിനെയൊക്കെയാണോ സംസാരിക്കുന്നത്?  .ഈ പുതിയ ഐഡിയെ കുറിച്ചൊന്നും ഇനി ഉമ്മയോട് പറയണ്ട.  ഇത് മതി നിന്റെ ഉമ്മാക്ക് അടിയുണ്ടാക്കാന്‍.
ഫസീല  : ഞാന്‍ തമശ പറഞ്ഞതാ ഉപ്പാ .. എന്റെ ചക്കരയല്ലേ... എന്നോട് പിണങ്ങണ്ട..
മുഹമ്മദ്‌ ഇസ്മായീൽ: മോളു.. നമുക്ക് നാളെ സംസാരിക്കാം.. ഓണ്‍ലൈനില്‍ അധികമിരുന്നു സമയം കളയണ്ട.. . ഞാന്‍ സൈന്‍ ഔട്ട്‌ ചെയ്യുകയാണ്...
മുഹമ്മദ്‌ ഇസ്മായീൽ invisible..

ഫസീലയുടെ  ഐഡിയിയില്‍  പച്ച നിറത്തില്‍ പ്രകാശം കെട്ടുപോവാതെ ജ്വലിക്കുന്നത് കണ്ടപ്പോള്‍ അയാള്‍ക്ക് ഹൃദയത്തില്‍ വല്ലാത്ത ഭാരം അനുഭവപ്പെടുന്നതായി തോന്നി.   തന്റെ നെഞ്ചില്‍ കൈവച്ച് വേദനയോടെ മൌനമായി അയാള്‍  കസേരയിലേക്ക് ചാഞ്ഞു.. പൊടുന്നനെ ദൂരെ എവിടെയൊ നിന്നൊരു പെണ്‍കുട്ടിയുടെ തേങ്ങലിന്റെ ശബ്ദം അയാള്‍ കേട്ടു. അപ്പോള്‍, അയാളുടെ ഹൃദയത്തിന്റെ ആവരണം നീക്കി  ഒരു പതിനഞ്ചു വയസ്സുകാരി പെണ്‍കുട്ടിയുടെ നിലവിളി പുറത്തേക്കു തെറിച്ചു വീണു.. ഒരു തീവണ്ടിയുടെ കിതപ്പ് പോലെ തുടങ്ങിയ ആ നിലവിളി.. ഒരു ഗുഹക്കുളിലൂടെ ഓടുന്ന തീവണ്ടിയുടെ ഭയാനകമായ ശബ്ദമായി അയാളില്‍ നിറഞ്ഞു... വേദന കൊണ്ട് പുളഞ്ഞ മുഹമ്മദ്‌ ഇസ്മായീല്‍ പച്ച നിറത്തിലെ ജ്വലിച്ചു  നില്‍ക്കുന്ന പ്രകാശം നോക്കി പതിയെ വിളിച്ചു..
മോളെ...രാജി മോളെ...

Tuesday, December 8, 2015

വിശ്വാസം



വെളുപ്പാന്‍ കാലത്തെ ഉറക്കത്തിന്റെ ആലസ്യത്തില്‍ രാജശേഖരന്‍ പിള്ള ഫോണ്‍ എടുത്തു.

ഓ നീ ആയിരുന്നോ? എന്നെ ഉറങ്ങാന്‍ സമ്മതിക്കില്ല അല്ലെ?

എന്റെ എസ് എം എസ് കിട്ടിയൊ?

കിട്ടി.

എന്നിട്ട് എന്താ എന്നെ തിരിച്ചു വിളിക്കാതിരുന്നത്

എനിക്ക് തോന്നിയില്ല വിളിക്കാന്‍.. നമ്മുടെ പ്രായം ഇപ്പോള്‍ എത്രയാണ് എന്ന് വിചാരമുണ്ടോ നിനക്ക് ? അമ്പത്തിയെട്ടു കഴിഞ്ഞു, ഇപ്പോഴും എസ് എം എസ് ആണോ? അതെക്കെ നമ്മുടെ കുട്ടികള്‍ക്ക് വിട്ടു കൊടുക്ക്‌.


ഓ നിങ്ങളുടെ മറ്റവള്‍ ആയിരുന്നു എങ്കില്‍ തിരിച്ചു വിളിക്കുമായിരുന്നല്ലോ? ഞാന്‍ ആയത് കൊണ്ടല്ലേ, ഇങ്ങിനെയൊക്കെ സംസാരിക്കുന്നത്?


ആര് മറ്റവള്‍? ആരുടെ കാര്യമാ നീ പറയുന്നത്?

കല്ല്യാണം കഴിഞ്ഞു ആദ്യ രാത്രിയില്‍ നിങ്ങള്‍ എന്നോട് പറഞ്ഞത് ഓര്‍മ്മയുണ്ടോ? നിങ്ങള്‍ സ്കൂളില്‍ പഠിക്കുമ്പോള്‍ ഒരു പെണ്‍കുട്ടിയെ പ്രേമിച്ചിരുന്ന കാര്യം? അവളായിരുന്നു എങ്കില്‍ ?

എന്റെ ദൈവമേ..

രാജശേഖരന്‍ പിള്ള കാള്‍ കട്ട്‌ ചെയ്തു, മൊബൈലിന്റെ മെസ്സേജ് ബോക്സ്‌ തുറന്നു ഭാര്യയുടെ എസ് എം എസ് വായിച്ചു

പൂവായി വിരിയുന്ന മനസ്സ് പോലെ
മധുരമായി വിരിയുന്ന സ്വപനം പോലെ
എത്ര കണ്ടാലും മതി വരാത്ത സമുദ്രം പോലെ
എന്നെന്നും കാത്തു സൂക്ഷിക്കും നമ്മുടെ സ്നേഹവും വിശ്വാസവും.

Sunday, December 6, 2015

ആസക്തിയുടെ ആളലുകള്‍


('ആസക്തികൾ ' എന്ന വിഷയത്തെ ആസ്പദമാക്കി നടത്തിയ കഥാരചന മത്സരത്തിൽ ഒന്നാം സമ്മാനം നേടിയ കഥ )









നിങ്ങള്‍ ഒരിക്കലും  ഇഷ്ടപ്പെടാത്ത ഒരു കാര്യം ചെയ്യാന്‍ നിങ്ങളുടെ ഉറ്റ സുഹൃത്ത് നിര്‍ബന്ധിക്കുകയാണെന്നു കരുതുക. നിങ്ങള്‍ എന്തു ചെയ്യും? അയാള്‍ പറയുന്നതൊക്കെ കേട്ടുനില്‍ക്കുമോ?  അതോ അയാളുടെ അഭാവത്തില്‍ അയാള്‍ പറഞ്ഞതിലെ സത്യത്തെയും അസത്യത്തെയും വേര്‍തിരിക്കാന്‍ ഒരു ശ്രമം നടത്തുമോ? അവസാനം ഉത്തരം കിട്ടാത്ത മനസ്സില്‍ നിന്ന് 'എന്തെങ്കിലും ഒക്കെ ആവട്ടെ, ഞാന്‍ എന്തിന് അതൊക്കെ ഓര്‍ക്കാന്‍ പോവണം' എന്ന് സ്വയം പറഞ്ഞു കൊണ്ട് അയാള്‍ പറഞ്ഞതൊക്കെ  മനസ്സില്‍ നിന്നു മായ്ക്കാന്‍ ശ്രമിക്കുമോ? സത്യം പറയട്ടെ. ഇങ്ങനെയൊരു അവസ്ഥയിലൂടെയാണ്‌ ഞാനും ഇപ്പോൾ സഞ്ചരിച്ചുകൊണ്ടിരിക്കുന്നത്.  എനിക്കുതന്നെ അവിശ്വസനീയമായ വഴികളില്‍ക്കൂടി ഞാന്‍ എന്നെ നടത്തുന്നു. എന്റെ ഓരോ പ്രവൃത്തികള്‍ക്കുമൊടുവില്‍ ഞാന്‍ സ്വയം ചോദിക്കുന്നു. "ഞാന്‍
തന്നെയാണോ ഇതൊക്കെ ചെയ്തത്? അങ്ങിനെയെങ്കില്‍ എന്തിന്?" സ്വയം ഒരുത്തരം കണ്ടെത്താന്‍ മനസ്സ് പ്രയാസപ്പെടുമ്പോള്‍ ഞാന്‍ അത്തരം ചിന്തകളെ പാതിവഴിയിലുപേക്ഷിച്ച്, എന്തെങ്കിലുമൊക്കെ ആവട്ടെ എന്നു മനസ്സില്‍ പറഞ്ഞ് എന്റെ പ്രവൃത്തികളില്‍ മുഴുകുന്നു.  വായനക്കാരേ, നിങ്ങള്‍ അല്പനേരം എന്റെ കൂടെ ചേരുമോ? ഞാന്‍ നിങ്ങളെ ഒരു  കഥയിലേയ്ക്കു കൂട്ടിക്കൊണ്ടുപോവുകയാണ്. നിങ്ങൾക്ക് ഈ കഥ വിശ്വസിക്കുകയോ അവിശ്വസിക്കുകയോ  ചെയ്യാം. കാരണം ഇതെന്റെ കഥയാണ്. പക്ഷെ ഇതിലെ കഥാപാത്രങ്ങളില്‍ ചിലര്‍ നിങ്ങളാണ്.!

എനിക്കൊരു കൂട്ടുകാരനുണ്ട്. അവന്റെ കൂട്ടുകാരനാണു ഞാന്‍ എന്നു പറയുന്നതാണ് കൂടുതല്‍ ശരി. കാരണം, സ്വന്തം ആനന്ദാനുഭൂതികൾ എന്നിലൂടെയാണ് അവന്‍ ആസ്വദിക്കുന്നത്.. ഇപ്പോള്‍ ഞങ്ങള്‍ക്കു മുമ്പിലുള്ള ഈ വീഥിയിലൂടെ തടിച്ച ശരീരപ്രകൃതിയുള്ള ഒരു പെണ്‍കുട്ടി നടന്നു പൊയ്ക്കൊണ്ടിരിക്കുന്നു എന്നു സങ്കല്പിക്കുക.  അവളുടെ മാംസളമായ ശരീരഭാഗങ്ങള്‍  ഇടുങ്ങിയ വസ്ത്രത്തിനുള്ളില്‍ വിങ്ങിനില്‍ക്കുന്ന അവസ്ഥയിലാണെന്നും വിചാരിക്കുക. ഇനി നിങ്ങള്‍ എന്റെ കൂട്ടുകാരനെ ശ്രദ്ധിക്കൂ. കണ്ടില്ലേ അവന്റെ നോട്ടം? അവന്റെ കണ്ണുകളിലെ ഭാവം കാണാന്‍ കഴിയുന്നുണ്ടോ? അത് ആളിക്കത്തുകയാണ്‌. കാമം നിറഞ്ഞ മനസ്സിന്റെ നെരിപ്പോടില്‍ നിന്നുയരുന്ന ജ്വാലകളാണവ. അവന്‍  എന്തൊക്കെയോ സ്വയം പുലമ്പിക്കൊണ്ടിരിക്കുന്നു.  ചുണ്ടുകള്‍ വരണ്ടുപോവുന്നുണ്ട് എന്നു സംശയം തോന്നുന്നതു കൊണ്ടാണോ, അവന്‍ നാവുകൊണ്ട്  ചുണ്ടുകളില്‍ നനവു പടര്‍ത്തിക്കൊണ്ടിരിക്കുന്നത്? അതോ ഒരു ഇച്ഛാഭംഗം അവനെ  ഗ്രസിച്ചുകഴിഞ്ഞുവോ? ഞങ്ങള്‍ക്കിടയിലെ എന്റെ സ്ഥാനത്തെക്കുറിച്ച് നിങ്ങളില്‍ സന്ദേഹമുണ്ടോ? ഇതാ, ഇനി എന്റെ ഊഴമാണ്. അവന്‍ എന്റെ നേര്‍ക്ക്‌ നോക്കുന്നതു കണ്ടില്ലേ?  അതിന്റെ അര്‍ഥം, ഞാന്‍ പ്രവര്‍ത്തിക്കേണ്ട സമയമായി എന്നാണ്. നോക്ക്, അവള്‍ ഞങ്ങളെയും കടന്നുപോയതു കണ്ടുവോ? അവള്‍ ഞങ്ങളെ ഒന്നു നോക്കുന്നതു പോലുമില്ല. അവളുടെ മനസ്സിലിപ്പോള്‍ സ്വന്തം സുരക്ഷയെക്കുറിച്ചുള്ള ചിന്തകള്‍ മാത്രമായിരിക്കണം. ഞങ്ങളുടെ മൌനസംഭാഷണത്തിന്റെ  പൂര്‍ണത അവളുടെ മനസ്സില്‍ ഒരിടത്തും ഇല്ലാത്തതു കൊണ്ടായിരിക്കണം അവള്‍ ഞങ്ങളെയും കടന്നു വിദൂരതയിലേക്ക് മറയാന്‍ തുടങ്ങുന്നത്. എനിക്ക് പക്ഷെ അവളെക്കുറിച്ച് ഉത്കണ്ഠപ്പെടേണ്ട കാര്യമില്ല. എന്റെ കൂട്ടുകാരന്റെ ആവശ്യം ഞാൻ അവളുടെ പിറകെ പോകണം എന്നതാണ്. എനിക്കിതൊരു പതിവാണ്. ഞാന്‍ മുമ്പ് എത്രയോ പ്രാവശ്യം ഇങ്ങനെ ചെയ്തിട്ടുണ്ട്.! ഞാനിപ്പോള്‍ നടന്നുനടന്ന് അവളുടെ തൊട്ടടുത്തെത്തിയിരിക്കുന്നു.  എനിക്കിപ്പോള്‍ അവനെ കാണാന്‍ കഴിയുന്നതേയില്ല. അവന്റെ കണ്ണില്‍ നിന്നും ഞങ്ങളുടെ രൂപങ്ങള്‍ മറഞ്ഞിട്ടുണ്ടാവും, തീര്‍ച്ച. ഇനി എനിക്ക് തിരിച്ചുനടക്കാനുള്ള സമയമാണ്. ഇതാ ഞാന്‍ അവന്റെ അടുത്തെത്തിക്കഴിഞ്ഞു. മുൻപു പലപ്പോഴായി ചെയ്ത എന്റെ പ്രവൃത്തികള്‍ ഞാന്‍ നിങ്ങള്‍ക്കായി ഇപ്പോള്‍ തുടരാന്‍ പോവുകയാണ്. അവന്റെ കണ്ണുകള്‍ വികസിച്ചുവരുന്നത് ശ്രദ്ധിച്ചുവോ? അതിനു കാരണം, ഞാനിപ്പോൾ അവളുടെ ശരീരഭാഗങ്ങളെക്കുറിച്ച്  വര്‍ണ്ണിച്ചുകൊണ്ടിരിക്കുന്നു എന്നതാണ്. എന്റെ സംസാരം നിറയെ അവളുടെ ശരീരത്തിലെ ഉയര്‍ച്ച താഴ്ച്ചകളെക്കുറിച്ചുള്ള ആശ്ചര്യം ജനിപ്പിക്കുന്ന, അത്ഭുതം നിറഞ്ഞ വിവരണങ്ങളാണ്. അവന്‍ എന്നോട് ചോദ്യങ്ങള്‍ ചോദിക്കാതെതന്നെ, ഞാന്‍ അവന്  ഉത്തരങ്ങള്‍ കൊടുത്തുകൊണ്ടിരിക്കണം. അതാണ് ഞങ്ങൾക്കിടയിലുള്ള നിയമം. എന്റെ ഉത്തരങ്ങള്‍ കേട്ട മാത്രയില്‍ വിടര്‍ന്നുവികസിച്ച അവന്റെ കണ്ണുകള്‍ തിളങ്ങുന്നത് കണ്ടില്ലേ? എന്റെ സുന്ദരമായ പ്രയോഗങ്ങളും കാവ്യാത്മകത നിറഞ്ഞ വര്‍ണ്ണനകളും കേട്ട് അവന്‍. വികാരപരവശനായിട്ടുണ്ട് . ആനന്ദത്തിന്റെ, നിര്‍വൃതിയുടെ,  നിശ്വാസത്തിന്റെ  കൊടുമുടിയിലേക്ക്  ഞാന്‍ അവനെ കൊണ്ടുപോയിക്കൊണ്ടിരിക്കുകയാണ്‌. ഇപ്പോള്‍,  അവന്റെ കണ്ണുകള്‍ ചെറുതായിച്ചെറുതായി വരുന്നത് ഞാന്‍ അറിയുന്നു. ഈ ജ്ഞാനം കൊണ്ട് ഞാന്‍ മനസ്സിലാക്കേണ്ടത്  അവനു സന്തോഷമായി, ആശ്വാസമായി എന്നൊക്കെയാണ്. ഇനി നിങ്ങൾക്ക് നിങ്ങളുടെ വിചാരങ്ങള്‍ അവസാനിപ്പിക്കാം. കാരണം ഞങ്ങള്‍ സ്ഥിരമായി സന്ദര്‍ശിക്കുന്ന പബ്ബുകളിലെ പെണ്‍കുട്ടികളുടെ മിസ്സ്‌കോളുകള്‍ ഞങ്ങളെത്തേടി വരാന്‍ തുടങ്ങിയിരിക്കുന്നു. ഞങ്ങള്‍ക്ക് അവിടെയെത്താനുള്ള പ്രലോഭനമാണ്‌ ഈ ഫോണ്‍കാളുകളിലൂടെ അവര്‍ ലക്ഷ്യമിടുന്നത്. ഞങ്ങളുടെ ശരീരവും ആമാശയവും നിറയ്ക്കാൻ  നുരഞ്ഞു പൊന്തുന്ന ലഹരിയുടെ മായികലോകത്തേക്ക്  ഞങ്ങളെ അവർ  സ്വാഗതം ചെയ്യുകയാണ്. ഞങ്ങൾ കുടിക്കുന്ന പാനീയത്തിന്റെ അളവു കൂടുന്നതനുസരിച്ച്  അവർക്ക് അവരുടെ യജമാനൻ
പ്രത്യേകമായി വേതനം നൽകുന്നു. അതോടൊപ്പം  ലഹരിയുടെ നിറവിൽ ഞങ്ങളുടെ കീശയിലുള്ള നോട്ടുകൾ ഞങ്ങൾ അവര്‍ക്ക് ടിപ്പായി നൽകുന്നു. പക്ഷെ, ഇതൊക്കെ ഞങ്ങൾ അവർക്ക് നല്‍കണമെങ്കിൽ, അവർ കൊഞ്ചിക്കുഴഞ്ഞു ഞങ്ങളോട് ഇടപഴകണം. ഞങ്ങൾ ഉപയോഗിക്കുന്ന ദ്വയാർത്ഥപ്രയോഗങ്ങൾ ശ്രവിച്ച് അതിലുൾപ്പെട്ട  ഇക്കിളിപ്പെടുത്തുന്ന കാര്യങ്ങൾ ആസ്വദിച്ച് ഞങ്ങളുടെ കൂടെച്ചേർന്നു ചിരിക്കണം.

ഇത്രയൊക്കെ ഞാൻ നിങ്ങളോട് പറഞ്ഞപ്പോൾ ഒരിക്കലെങ്കിലും എന്റെ മനസ്സ് കണ്ടത്തുവാൻ നിങ്ങൾ ശ്രമിച്ചിരുന്നുവോ? ഇല്ല എന്നാണ് എന്റെ മനസ്സ് പറയുന്നത്. കാരണം നിങ്ങൾക്കും അറിയേണ്ടത് ആ പെൺകുട്ടിയെക്കുറിച്ചു മാത്രമായിരുന്നു. അവളുടെ ശരീരത്തെക്കുറിച്ചുള്ള എന്റെ വർണ്ണനകള്‍  മാത്രമായിരുന്നു. നിങ്ങൾക്കിടയിലുള്ള സ്ത്രീകൾ പോലും ഞാൻ പറയുന്നതു കേൾക്കാൻ ഉത്സാഹപ്പെടുകയായിരുന്നു.  എന്റെ കൂട്ടുകാരൻ ചെയ്യുന്നതിലൊന്നും എനിക്ക് ഒരു താല്‍പര്യവുമില്ല. തടിച്ച പ്രകൃതമുള്ള
ചില സ്ത്രീകൾ ധരിച്ചിരിക്കുന്ന ഇറുകിയ വസ്ത്രങ്ങൾ കാണുമ്പോൾ എനിക്ക് ഛർദ്ദിൽ വരും. ഇത്തരക്കാരെ ഇഷ്ടപ്പെടുന്ന പുരുഷമന:ശ്ശാസ്ത്രം ഞാൻ നിരീക്ഷണത്തിനു വിധേയമാക്കിയിട്ടുണ്ട്. ഈ പുരുഷകേസരികൾ അധികവും നിരാശരാണ്. മോഹഭംഗങ്ങളുടെ പാപഭാരം പേറിയാണ് അവരോരോരുത്തരും  തങ്ങളുടെ ജീവിതം ഹോമിച്ചുതീര്‍ക്കുന്നത്. ഇത്തരക്കാർ അധികവും മതപരമായും ആത്മീയപരവുമായ കാര്യങ്ങൾ ഉപദേശിച്ചുകൊണ്ട്  തനിക്കു ചുറ്റുമുള്ളവരെ ഉല്‍ബുദ്ധരാക്കുന്നവരാണ്. പെയ്മുഖമണിഞ്ഞ ഈ പുരുഷന്മാർ അധികവും തങ്ങളുടെ ഇണകളിൽ സംതൃപ്തരാവാത്തവരാണ്. മാത്രമല്ല നിരന്തരം തങ്ങളുടെ ഭാര്യമാരോടോ, അല്ലെങ്കിൽ തങ്ങളുടെ പ്രേമഭാജനങ്ങളോടോ കലഹത്തിലേർപ്പെടുന്ന വരാണ്..

നിങ്ങൾക്ക് ഞങ്ങളുടെകൂടെ വരണമെന്നാഗ്രഹമുണ്ടോ? എങ്കിൽ വരൂ.


ഈ പബ്ബിന്റെ അകം നോക്കൂ. മെലിഞ്ഞ ശരീരപ്രകൃതിയുള്ള എത്രപേരെ നിങ്ങള്‍ക്കിവിടെ കാണാൻ കഴിയും? വിരലിലെണ്ണാവുന്നവർ...അല്ലേ? എന്തു കൊണ്ടിങ്ങനെ? എവിടെയാണ് പുരുഷനിലെ ആസക്തി ഒളിഞ്ഞിരിക്കുന്നത്? എന്റെ എതിർവശത്തു നിൽക്കുന്ന നീല നിറത്തിൽ മുട്ടുവരെയെത്തുന്ന അരവസ്‌ത്രം ധരിച്ച ഒരു തടിച്ചിയെ കണ്ടില്ലേ?  എന്റെ കൂട്ടുകാരന് അവളെ
ഇഷ്ടപ്പെട്ടിട്ടുണ്ട്. അവന് അവളോട്‌ പ്രേമം തോന്നുന്നു എന്നുപറയുന്നു.  മാത്രമല്ല എന്റെ ഊഴത്തെക്കുറിച്ച് അവൻ എന്നെ ബോധവാനാക്കുകയും ചെയ്തുകൊണ്ടിരിക്കുന്നു. ഇപ്രാവശ്യം എനിക്ക് കുറെക്കൂടി ഭാരിച്ച ഉത്തരവാദിത്വമാണുള്ളത്. അവനോടുള്ള അനുരാഗത്തിന്റെ വിത്തുകൾ അവളിൽ വിതറണം. എന്നിട്ട് അവളെ വശീകരിച്ച് അവനിലേക്കടുപ്പിക്കണം. പബ്ബുകളിൽ കണ്ടു വരുന്ന ഇത്തരം സ്ത്രീകളിൽ പ്രേമം എന്ന വികാരം ഉണ്ടാവാറില്ല. തങ്ങളെ ഇഷ്ടപ്പെടുന്ന വര്‍ക്കായി സ്വശരീരം
കാഴ്ചവെയ്ക്കാൻ അവർ തയ്യാറാവുന്നു. തങ്ങളുടെ കൂടെക്കഴിയുന്ന ഓരോ നിമിഷത്തിനും വേതനം നല്‍കണമെന്ന് അവർ ആവശ്യപ്പെടുന്നു. ഇത്തരം കാഴ്ചപ്പാടുള്ള ഒരു സ്ത്രീയിൽ ഞാൻ എങ്ങനെ അനുരാഗത്തിന്റെ പുഷ്പങ്ങൾ വിതറും?  പക്ഷെ അവൻ പറഞ്ഞതെന്തും അനുസരിച്ചുമാത്രമേ എനിക്ക് ശീലമുള്ളു. എന്റെ കൂട്ടുകാരനോട് ഞാൻ സംസാരിക്കുന്നതെന്താണെന്ന്  നിങ്ങളെ കേള്‍പ്പിക്കാം.

‘നോക്കൂ ഹർഷൻ, ഷി ഈസ്‌ എ ബിച്ച്. നോട്ട് എ ഗുഡ് ഗേൾ. അവള്‍ക്കാവശ്യം
നിന്റെ പ്രേമസല്ലാപമല്ല.’

‘സോവാട്ട്‌ മാൻ? നീ അവളോട്‌ സംസാരിക്കൂ. നീ സംസാരിച്ചാൽ വളയാത്ത ഏതു പെണ്ണാണുള്ളത്? കമോൺ മാൻ.’
‘ഞാനെന്താ ഗന്ധർവനാണോ? നല്ലവനാണ്,  ശുദ്ധനാണ്, വിശ്വസിക്കുവാന്‍ കൊള്ളുന്നവനാണ് എന്നൊക്കെ ഒരു പെണ്ണിനെ കൊണ്ട് വിശ്വസിപ്പിക്കാന്‍ ശ്രമിക്കുന്ന രീതിയിലുള്ള പെരുമാറ്റം ഒരു പുരുഷനില്‍ നിന്നുണ്ടായാല്‍, അവള്‍ അയാളെ സ്നേഹിച്ചിരിക്കും. ചിലര്‍ പണത്തിനും സെക്സിനുവേണ്ടിയും സ്നേഹിക്കുന്നുണ്ട്. അത് പക്ഷെ സ്നേഹമല്ല. കാപട്യം മാത്രമാണ്.’
‘ഹേ മാന്‍ കമോൺ. ഗോ ആന്‍ഡ്‌ ക്യാച്ച് ഹെര്‍.‘

കണ്ടില്ലേ എന്റെ കൂട്ടുകാരനെ നിങ്ങള്‍ ? ഞാന്‍ പറയുന്നതൊന്നും അവന്‍ ശ്രദ്ധിക്കുന്നതേയില്ല. അവന്റെ ലക്‌ഷ്യം ആ പെണ്ണ് മാത്രമാണ്. ഞാന്‍ ഇപ്പോള്‍ എന്തുപറഞ്ഞാലും എന്റെ ഒഴിഞ്ഞുമാറലായി മാത്രമേ അവന്‍ കാണൂ. മാത്രമല്ല, വികാരപരവശമായ ഒരവസ്ഥയിലാണി പ്പോള്‍ അവൻ.
ഇത്തരം നിയന്ത്രിക്കാനാവാത്ത വികാരാധീനത ഒരുതരം നെഗറ്റീവ് പ്രവണതയാണുണ്ടാക്കുക. അത്തരം അവസ്ഥയില്‍, തങ്ങൾ ചെയ്യാനാഗ്രഹിക്കുന്ന കാര്യത്തില്‍ മാത്രമേ അവരുടെ ശ്രദ്ധ ഉണ്ടാവൂ. മറ്റുകാര്യങ്ങള്‍ എല്ലാം അവര്‍ക്ക് അന്യമാണ്. ഞാന്‍ ആ തടിച്ചിയുടെ അടുത്തേക്ക് പോവുകയാണ്. അവളോട്‌ എന്താണു ചോദിക്കേണ്ടത് എന്നതിന് ഒരു രൂപവുമില്ല മനസ്സില്‍. നിങ്ങൾക്കവളെ കാണാന്‍ കഴിയുന്നുണ്ടോ? നീല നിറത്തില്‍ മുട്ടുവരെയെത്തുന്ന അരവസ്‌ത്രത്തിനു മുകളിലായി പൊക്കിള്‍ക്കുഴി പുറത്തേക്കു കാണുന്ന വിധത്തില്‍ ഒരു ചുവന്ന ടീഷര്‍ട്ട് ആണ് അവള്‍ ധരിച്ചിരിക്കുന്നത്. കഴുത്തില്‍ നേര്‍ത്ത പരുത്തി നൂല്‍ കൊണ്ടുള്ള ഒരു ചരട്. ആ ചരടില്‍ ദൈവത്തിന്റെ ചിത്രം ആലേഖനം ചെയ്ത ഒരു ലോക്കറ്റ് തൂക്കിയിട്ടിരിക്കുന്നു. ആളുകള്‍ അവളെ നോക്കുമ്പോളെല്ലാം അവള്‍ ദൈവത്തിന്റെ ചിത്രത്തില്‍ വിരലുകള്‍ സ്പര്‍ശിച്ച്  എന്തോ മന്ത്രങ്ങള്‍ ഉരുവിടുന്നുണ്ട്.  തീര്‍ച്ചയായും അവള്‍ ദൈവവിശ്വാസി തന്നെയാണ്. താന്‍  ചെയ്യാന്‍ പോവുന്ന പ്രവൃത്തി തെറ്റാണെന്നറിഞ്ഞുകൊണ്ടു തന്നെയാണ് അവള്‍ ഇത്തരത്തില്‍ ഒരു കാര്യത്തിന് ഇറങ്ങിത്തിരിച്ചിരിക്കുന്നത്. ഞാന്‍ അവളോട്‌ സംസാരിക്കാന്‍ പോവുകയാണ്.

"നിങ്ങള്‍ ഒരുപാട് ദുഖിക്കുന്നു.. ഒരു പാട് അസ്വസ്ഥയാവുന്നു. സ്നേഹം നിഷേധിക്കപ്പെട്ടവളെന്നു സ്വയം വിധിക്കുന്നു. ബന്ധങ്ങള്‍ നിങ്ങൾക്ക് മോഹഭംഗം മാത്രമേ നല്‍കിയിട്ടുള്ളു. പലപ്പോഴും നിങ്ങള്‍ ആത്മഹത്യയെക്കുറിച്ചു ചിന്തിച്ചിട്ടുണ്ട്. ഇപ്പോള്‍ നിങ്ങള്‍ നിങ്ങളുടെ ജീവിതം കൊണ്ടുപോവുന്നത് നിങ്ങൾക്കിഷ്ടമില്ലാത്ത വഴിയിലൂടെയാണ്."

"സര്‍ ആരാണ്..? സര്‍ പറഞ്ഞതൊക്കെ സത്യമാണ്. എന്നെ സാറിന് അറിയാമോ?"
 

 "ഞാന്‍ ഈ മുഖത്ത് നിന്നു വായിച്ചെടുത്തതാണ് ഇതല്ലാം. എനിക്ക് നിങ്ങളെ അറിയില്ല പക്ഷെ എന്റെ സുഹൃത്തിനു നിങ്ങളെ മനസ്സുകൊണ്ടറിയാം. അവന്‍ നിങ്ങളെ ഒരു പാട് ഇഷ്ടപ്പെടുന്നു.  നിങ്ങളുടെ തൊഴിലെന്താണ് എന്നറിഞ്ഞിട്ടുപോലും  ഒരാള്‍ നിങ്ങളെ സ്നേഹിക്കാന്‍ തയ്യാറാവുന്നുവെങ്കില്‍ തീര്‍ച്ചയായും നിങ്ങള്‍ അതിനര്‍ഹയാണ്. ഒരു പക്ഷെ നിങ്ങളുടെ ഈ കഴുത്തില്‍ കിടക്കുന്ന ദൈവമാകില്ലേ അങ്ങനെയൊരു ഭാഗ്യം നിങ്ങൾക്കു കൊണ്ടുവന്നു തന്നത്?"

"എനിക്കു കരച്ചില്‍ വരുന്നു. എന്നെ സ്നേഹിക്കാന്‍
ഒരാള്‍ തയ്യാറാവുമോ സര്‍?  എന്റെ ശരീരം മാത്രമാണ് സര്‍ എല്ലാവർക്കും ആവശ്യം. കുടിച്ചുന്മത്തരായി അവര്‍ എന്റെ ശരീരത്തിലേക്കു വീഴുന്നു. പിന്നെ എന്തെക്കെയോ കാട്ടിക്കൂട്ടുന്നു. തങ്ങള്‍ ചെയ്യുന്നതെന്താണെന്നുപോലും പലര്‍ക്കും അറിയില്ല. ചിലര്‍ എന്നെ കാണുന്നമാത്രയില്‍ കട്ടിലില്‍ ബോധരഹിതരായി വീണുപോവും.  ബോധം തെളിയുന്ന അവസ്ഥയില്‍ അവര്‍ ചോദിക്കുക, 'കഴിഞ്ഞോ' എന്നുമാത്രമാണ്. ഞാന്‍ തലകുലുക്കുമ്പോള്‍ പാവങ്ങള്‍ വിശ്വസിച്ചു പോവും. എല്ലാവർക്കും വേണ്ടത് എന്റെ ഈ തടിച്ച ശരീരം മാത്രമാണ് സര്‍. കോളേജ്പഠനകാലത്ത് ഒരു ചെറുപ്പക്കാരന്‍ എന്നെ കല്യാണം കഴിക്കണമെന്ന ആഗ്രഹം പറഞ്ഞുകൊണ്ട് എന്നെ സ്നേഹിക്കാന്‍ തുടങ്ങി. ഞാന്‍ അയാള്‍ക്ക് എല്ലാം നല്‍കി. പക്ഷെ  അയാള്‍ ആഗ്രഹിച്ചത് എന്റെ ശരീരം മാത്രായിരുന്നു. ആവശ്യം കഴിഞ്ഞപ്പോള്‍ അയാള്‍ പോയി. പിന്നെയും ഞാന്‍ കുറെ കപടസ്നേഹബന്ധങ്ങളില്‍ വീണുപോയി. ഞാന്‍ സ്നേഹിക്കാന്‍ ശ്രമിച്ചവര്‍ക്കെല്ലാം എന്റെ ശരീരം മാത്രമാണാവശ്യം എന്ന് പതിയെ ഞാന്‍ തിരിച്ചറിയാന്‍ തുടങ്ങി. പിന്നെടെനിയ്ക്കു മനസ്സിലായി, ഞാന്‍ സ്നേഹിക്കപ്പെടാന്‍ അർഹയല്ല എന്ന്.  അതോടെ, ഒരു പുരുഷനെ സ്നേഹിച്ച്,  അയാളുടെ മക്കളെ വര്‍ത്തിവലുതാക്കി അവരുടെ കൂടെ ജീവിക്കണമെന്ന എന്റെ സ്വപ്നമെല്ലാം വെന്തുകരിഞ്ഞു പോയി.  ജീവിതത്തില്‍ ഒറ്റപ്പെട്ടുപോവുന്ന ചില നിമിഷങ്ങളില്‍ ഞാന്‍ ഓര്‍ത്തിട്ടുണ്ട് സര്‍, എനിക്കു സ്നേഹിക്കാനും എന്നെ സ്നേഹിക്കാനും ഒരാള്‍ ഉണ്ടായിരുന്നുവെങ്കിലെന്ന്. ഞാന്‍ ഭാഗ്യമില്ലത്തവളാണ് സര്‍.  ഒരു ദൈവത്തിനും എന്നെ സഹായിക്കാന്‍ കഴിയില്ല. സാറിന്റെ കൂട്ടുകാരന് അതിനു കഴിയുമോ?“

ഇനി എന്റെ സ്നേഹിതനോടാണ് എനിക്കു സംസാരിക്കേണ്ടത്.
അവള്‍ സ്നേഹം ആഗ്രഹിക്കുന്നുണ്ടെന്ന് എനിക്കവനെ അറിയിക്കണം. സത്യം പറയട്ടെ, എനിക്കിപ്പോള്‍ അവളോട്‌ അനുകമ്പ തോന്നുന്നു. എത്ര പാവമാണ് അവള്‍.! അവള്‍ ചെയ്യുന്ന ജോലി എന്തോ ആവട്ടെ? അല്ലെങ്കില്‍ത്തന്നെ തെറ്റാണോ അവള്‍ ചെയ്യുന്നത്? തന്നില്‍ നിന്ന് പുരുഷന്മാര്‍ ആഗ്രഹിക്കുന്നത് അവള്‍ അവര്‍ക്ക് നല്‍കുന്നു.  താന്‍ ചെയ്യുന്ന പ്രവൃത്തിക്ക് ഒരു പ്രതിഫലം
അവള്‍ നിശ്ചയിച്ചിരിക്കുന്നു എന്നു മാത്രം. പക്ഷെ ഇങ്ങനെയൊക്കെ അവളെക്കൊണ്ട് ചെയ്യിക്കുന്നതും സമൂഹമല്ലേ? സ്നേഹിക്കപ്പെടാന്‍ തനിക്കു വിധിയില്ലെന്ന് ഒരു സ്ത്രീക്ക് തോന്നണമെങ്കില്‍, അതിനു കാരണക്കാര്‍ ആരാണ്? എന്നിലും നിങ്ങളിലും എല്ലാം സ്ത്രീയെ കളിപ്പാട്ടമാക്കുന്നവരില്ല്ലേ? എന്റെ സ്നേഹിതന് അവളെ ഇഷ്ടപ്പെടുകയാണെങ്കില്‍ അവന്  അവളുടെ കുഞ്ഞുങ്ങളുടെ അച്ഛനായി മാറാന്‍ സാധിക്കുമെങ്കില്‍, ഇങ്ങനെയൊരു ബന്ധത്തിന് വഴിയൊരുക്കിക്കൊടുത്ത ഞാന്‍ എന്റെ ജീവിതത്തില്‍ ചെയ്യുന്ന ഏറ്റവും വലിയ പുണ്യ പ്രവൃത്തിയാവും അത്.

"ഹര്‍ഷന്‍,  അവള്‍ ഓകെ പറഞ്ഞു. അവള്‍ പാവമാണ് ഡാ. നിന്റെ ജീവിതം ധന്യമാവാന്‍ ഇതില്‍ കൂടുതലൊന്നും നീ ചെയ്യണ്ട. അവള്‍ സ്നേഹിക്കപ്പെടാന്‍ ആഗ്രഹിക്കുന്നുണ്ട്. നീ അവള്‍ക്ക് ഒരു ജീവിതം കൊടുക്ക്‌, പ്ലീസ്."

പ്രിയപ്പെട്ടവരേ,  നമുക്കിവിടെവെച്ച് ഈ കഥ നിര്‍ത്താം.  ഇതിന്റെ ക്ലൈമാക്സ്‌ എന്തായി എന്നറിയാന്‍ നിങ്ങൾക്ക് ആഗ്രഹമുണ്ടെന്ന് എനിക്കറിയാം. പക്ഷെ ഞാന്‍ നിസ്സഹായനാണ്. നിങ്ങളുടെ മനസ്സിപ്പോള്‍ ആഗ്രഹിക്കുന്നത് ആ പെണ്ണിനെ അയാള്‍ എന്തുചെയ്തു എന്നറിയാന്‍
മാത്രമാണ്. ഇപ്പോഴും എന്നെക്കുറിച്ച് നിങ്ങള്‍ അറിയാനാഗ്രഹിക്കുന്നില്ല. ഈ കഥയില്‍ ആരാണ് പ്രധാന കഥാപാത്രം.?  ഞാനല്ലേ? ഈ കഥ തുടര്‍ന്നുപോവുന്നത് എന്നിലൂടെയാണ്. എന്നിട്ടും
നിങ്ങൾക്കെന്നെ വേണ്ട.  ഇപ്പോള്‍ നിങ്ങൾക്കെന്നോട് ചെറുതായി ദേഷ്യം തോന്നുന്നില്ലേ? അങ്ങനെ, ആദ്യമായി നിങ്ങളെന്നെ ഓര്‍ക്കുന്നു. ദേഷ്യത്തോടെയാണെങ്കിലും എന്നെ ഓര്‍ത്തല്ലോ? അതു മതി എനിക്ക്, നന്ദി. ഞാന്‍ കഥ തുടരുന്നു.

ഞാന്‍ പറഞ്ഞതു കേട്ടതും, ഹര്‍ഷന്‍ ദേഷ്യപ്പെട്ടു ചാടി എഴുന്നേറ്റതും ഒരുമിച്ചായിരുന്നു. എന്റെ കഴുത്തിനു കുത്തിപ്പിടിച്ച് അലറിക്കൊണ്ട് അവൻ പറഞ്ഞു "ഡാ തന്തയില്ലാത്തവനേ, നിന്റെ വയറു കുത്തിക്കീറി കുടല്‍മാല ഞാന്‍ പുറത്തെടുക്കും. നിന്റെ ഭാര്യയെ ഓര്‍ത്താണ് ഞാന്‍ അതു ചെയ്യാത്തത്. ഞാനെന്താ, ഈയാംപാറ്റയാണോ തീയില്‍ ചെന്നു ചാടാന്‍.?“ അന്ധാളിച്ചു പോയ  ഞാന്‍ കുതറിമാറി.അവനെ ആശ്വസിപ്പിക്കാന്‍ ശ്രമിച്ചെങ്കിലും അവന്റെ കലിയടങ്ങിയില്ല.  അവന്‍ ദേഷ്യം കലര്‍ന്ന സ്വരത്തില്‍ എന്നോട് പറഞ്ഞു "നിനക്കറിയില്ലേ.? എന്റെ സ്വപ്നമാണ് തടിച്ച സ്ത്രീകള്‍. ആ സ്വപ്നങ്ങളില്‍ ഞാന്‍ സ്വയം ആനന്ദം കണ്ടെത്തുന്നു. നീ എന്റെ സ്വപ്നം കളയാന്‍ വന്ന പിശാചാണോ?  അവളെ ഇഷ്ടമാണ് എന്നു പറഞ്ഞതും അവളെ വളയ്ക്കാന്‍ പറഞ്ഞതും അവളെ തൊട്ടടുത്തിരുന്നു നോക്കിക്കാണാന്‍ മാത്രമാണ്. അല്ലാതെ, ഛേ..! "     ഒന്നും പറയാതെ സ്തംഭിച്ചു നിന്ന ഞാന്‍ ഓര്‍ത്തു.  എന്റെ പിന്നിൽ അവള്‍ എങ്ങനെയായിരിക്കും നില്‍ക്കുന്നതെന്ന്. നിറഞ്ഞ കണ്ണുകളുമായി  അവളുടെ ചുണ്ടുകള്‍  എന്നോടു പറയുന്നത് ഒരു പക്ഷെ ഇങ്ങനെയായിരിക്കാം.."വേദനിപ്പിച്ചോളൂ, കരയിപ്പിച്ചോളൂ, വേദനിക്കുന്നതും കരയുന്നതും ഞാന്‍ ശീലിച്ചുപോയി."

പെട്ടെന്ന് ഞാന്‍ തിരിഞ്ഞുനോക്കി. അവള്‍ നില്‍ക്കുന്ന സ്ഥലം ശൂന്യമായിരുന്നു. ഞാന്‍ എല്ലായിടത്തും മാറിമാറി നോക്കിക്കൊണ്ടിരുന്നു. ആ നിമിഷം,  പബ്ബിലെ അരണ്ട വെളിച്ചത്തെ ഞാന്‍ വല്ലാതെ ശപിച്ചു പോയി. അവള്‍ക്കെന്തു സംഭവിച്ചു? അല്‍പനേരത്തിനു ശേഷം  എന്റെ തൊട്ടടുത്തുള്ള തുണിന്റെ മറവില്‍ നിന്ന് ഒരു പൊട്ടിച്ചിരി കേട്ട് ഞാന്‍ അങ്ങോട്ടു നടന്നു. എനിക്ക് എന്റെ കണ്ണുകളെ വിശ്വസിക്കാന്‍ കഴിഞ്ഞില്ല. വെളുത്തുനീണ്ട് കൊലുന്നനെയുള്ള ഒരു പുരുഷനുമായി തന്റെ അധരം പങ്കുവെയ്ക്കുന്നു അവള്‍. പിന്നെ, അയാളുടെ അരക്കെട്ടില്‍ കൈകള്‍ ചുറ്റി അയാളെ തന്റെ ശരീരത്തോടുചേര്‍ത്ത് അമര്‍ത്തിക്കൊണ്ടിരിക്കുന്നു.!
അവളുടെ കൈ അവന്റെ ശക്തമായ വിരലുകളാല്‍ ലാളിക്കപ്പെട്ടുകൊണ്ടിരുന്നു. ബ്ലെഡി ബിച്ച്..! ഞാന്‍ അറിയാതെ പറഞ്ഞു പോയി. അത് കേട്ടതും അവള്‍ എന്റെ നേര്‍ക്ക്‌ അപരിചിതഭാവത്തില്‍ നോക്കി ഉച്ചത്തില്‍ ചോദിച്ചു. 

"ഹു ആര്‍ യൂ? ഡോണ്ട് ഡിസ്റ്റര്‍ബ് മി, പ്ലീസ്‌..!"
ഞാന്‍ നോക്കി നില്‍ക്കെ അവളുടെ കൈകള്‍ അയാളുടെ പാന്റ്സിന്റെ പോക്കറ്റ് ലക്ഷ്യമാക്കി നീണ്ടുപോയി. പെട്ടെന്ന് എന്നെ തള്ളിമാറ്റിക്കൊണ്ട് അവള്‍ ഓടി. അവള്‍ക്കു പിറകിലായി ഓടുന്ന അയാള്‍ വിളിച്ചു പറഞ്ഞുകൊണ്ടിരുന്നു: "വിടരുതവളെ. ആ തന്തയില്ലാത്തവളെ പിടിക്കൂ. സ്നേഹം നടിച്ച് അവളെന്നെ വശത്താക്കാന്‍ ശ്രമിക്കുകയായിരുന്നു....”

Thursday, November 26, 2015

മുടി രണ്ടായി പിന്നിയിട്ട പെണ്‍കുട്ടി

221B baker street, 
ഷെര്‍ലക്ക്‌ ഹോംസ് ജീവിച്ചിരിക്കുന്നു എന്ന് വിശ്വസിക്കുന്ന സ്ഥലം. സ്രഷ്ടാവിനേക്കാളും പിറന്നുവീണ ഗ്രന്ഥത്തെക്കാളും മഹത്ത്വമാര്‍ന്ന അസ്തിത്വവിശേഷം നേടിയ തീര്‍ത്തും കാല്പിത കഥാപാത്രം.
ഹോംസ് ജീവിക്കുന്ന യാഥാര്‍ത്ഥ്യമായി ലോകം വിശ്വസിക്കുന്നു എന്നതിന് തെളിവാണ് ഇവിടെയുള്ള സന്ദര്‍ശക ബഹുല്ല്യം.   
ഞങ്ങള്‍ അവിടെ തെല്ലു നേരം നിന്നു. 
ആള്‍കൂട്ടത്തെ നോക്കി നിന്നപ്പോള്‍, സത്യവും മിഥ്യയും തമിലുള്ള വേര്‍തിരിവിനെ കുറിച്ചോര്‍ത്തു  സഹതാപം തോന്നി.
ഞാനറിയുന്ന  ഉത്തരത്തില്‍ വിഡ്ഡിയെ പോലെ മുഖം പൂഴ്ത്തി.
ഈ ഉത്തരത്തിന് അര്‍ത്ഥതലങ്ങളില്ല, 
ഞാന്‍ ഷെര്‍ലോക്ക് ഹോംസിന്റെ വലിയ പ്രതിമയും നോക്കി കുറെ നേരം നിന്നു.
ഉത്തരം തേടിയുള്ള എന്റെ മനസ്സിന്റെ ദാഹം ഞാന്‍ തല്‍ക്കാലത്തേക്ക് മറന്നു.
പിന്നെ ഞങ്ങള്‍ അവിടെയോരോ  സ്ഥലവും ചുറ്റിനടന്നു കണ്ടു.
ലണ്ടന്‍ നഗരം ഒരു മനോഹരമായ കാഴ്ചയായിരുന്നു..

ഞങ്ങള്‍ അവിടെനിന്നു തിരിക്കുമ്പോള്‍, നേരം നന്നേ ഇരുട്ടിയിരുന്നു എന്തെക്കെയോ മറന്നുവച്ചത് പോലെയുള്ള  ഒരനുഭവമായിരുന്നു  എനിക്ക് ആ യാത്ര.  
എന്റെ അവസ്ഥ കണ്ടിട്ടാവണം ഉമര്‍ വണ്ടി തൊട്ടടുത്ത്‌ കണ്ട ഒരു പബ്ബിലേക്ക് വിട്ടു.
പബിനകം നിറയെ ബഹളമായിരുന്നു.  
ഒറ്റ നോട്ടത്തില്‍ അറിയാം അത് ഒരു ഏഷ്യന്‍ ബാര്‍ ആണന്നു, 
ബാറിന്റെ  അകത്തും പുറത്തുമായി കറുത്ത വര്‍ഗക്കാരും പിന്നെ തവിട്ടു നിറത്തിലുള്ള ഏഷ്യന്‍ വംശജരുമായ കുറെ ആളുകള്‍ നില്‍പ്പുണ്ടയിരുന്നു. അത്  കണ്ടപ്പോള്‍ ഞാന്‍ അല്‍പ്പനേരം അറച്ചുനിന്നു.  
ഞാനൊരു ഏഷ്യക്കാരന്‍ ആണെങ്കിലും, ഏഷ്യാക്കാരോട് എന്തോ എനിക്ക് പുച്ഛമായിരുന്നു. 
ഞാന്‍ ജനിക്കേണ്ടത് യൂറോപ്പിലോ അമേരിക്കന്‍ ഭൂഖണ്ഡത്തിലോ ആവേണ്ടാതായിരുന്നു എന്നെനിക്കു തോന്നാറുണ്ട്.
ഡോര്‍ കടന്നു നേരെ എത്തുന്നത് ഒരു ഹാളില്‍ ആണ്.
അതിന്റെ വലതു വശത്തായി ഒരു ബാര്‍ കൌണ്ടര്‍ സജ്ജീകരിച്ചിട്ടുണ്ട്. ഹാളിലെ ബാന്‍ഡ്നു അനുബന്ധമായി നല്‍കിയിട്ടുള്ള പല നിറത്തിലും വര്‍ണ്ണത്തിലുമുള്ള  ബള്‍ബുകളില്‍ നിന്നുള്ള പ്രകാശരശ്മികള്‍ ബാറില്‍ അലങ്കരിച്ചുവച്ചിട്ടുള്ള മദ്യകുപ്പികളില്‍ തട്ടി പ്രതിഫലിച്ചത് കൊണ്ടുണ്ടായ മനോഹരമായ ദൃശ്യം, ബാര്‍കൌണ്ടര്‍ ആകമാനം  മഴവില്ല് വിരിഞ്ഞു നില്‍ക്കുന്നത് പോലെയുള്ള  പ്രതീതി എന്നില്‍ ഉണ്ടാക്കി. 
രണ്ടു ബിയറിന്  ഓര്‍ഡര്‍ കൊടുക്കുന്നതിനിടയില്‍ എന്റെ കണ്ണുകൾ  ബാര്‍ കൗണ്ടറിന് അരികിലായി സ്ഥാപിച്ചിട്ടുള്ള പീഠത്തില്‍  ഇരിക്കുന്ന സുന്ദരിയുടെ കണ്ണുകളുമായി കൂട്ടിമുട്ടി. ഒരു കറുത്ത സുന്ദരി.
ഏതോ ഒരു ആഫ്രിക്കന്‍ രാജ്യത്തു നിന്ന് കുടിയേറിയതാണ് എന്ന് കണ്ടാല്‍ അറിയാം.
എനിക്കവളെ  ഇഷ്ടമായി.
സ്ത്രീയുടെ അംഗലാവണ്യത്തിനു ഭൂഖണ്ഡങ്ങളുടെ വേര്‍തിരിവില്ല എന്ന സത്യം  ഓര്‍ത്തപ്പോള്‍ ദൈവത്തെ സ്തുതിക്കാതെയിരിക്കാന്‍ കഴിഞ്ഞില്ല. ദൈവത്തിനു നന്ദി പറഞ്ഞുകൊണ്ട്  ഞാന്‍ അവളെ നോക്കി മന്ദഹസിച്ചു. അവള്‍ തിരിച്ചും.
 "ലെറ്റ്‌ അസ്‌ ജോയിന്‍ വിത്ത്‌ അസ്‌?" എന്റെ ചോദ്യത്തിന് മറുപടിയെന്നോണം അവള്‍ എന്റെ അരികിലേക്ക് വന്നു.
സംസാരത്തിനിടെ മനസിലായി അവള്‍ എത്യോപ്യന്‍   വംശജയാണന്ന്.
അഭ്യന്തര കലാപം കൊണ്ട് പൊറുതിമുട്ടി ബ്രിട്ടനിലേക്ക്
കുടിയേറിയതായിരുന്നു അവളുടെ തലമുറ.


ഞങ്ങള്‍ അവളെയും വണ്ടിയില്‍ കയറ്റി ലണ്ടന്‍ നഗരം പ്രദീക്ഷണം ചെയ്യാന്‍  തുടങ്ങി.  
ഉമര്‍ ആണ് കാര്‍ ഡ്രൈവ്  ചെയ്തിരുന്നത്.  
ഞാന്‍ അവളെ എന്റെ തൊട്ടടുത്തായി  പിറകിലെ സീറ്റില്‍ ഇരുത്തി.  
ഉമറിനു പെണ്‍കുട്ടികളെ  ഇഷ്ടമായിരിന്നുവെങ്കിലും  
അവരോടു നേരിട്ട് സംസാരിക്കാനുള്ള വ്യ്മനസ്സ്യം പലപ്പോഴും എനിക്ക് ഭാഗ്യമായിട്ടുണ്ട്. 
അത് കാരണം കൊണ്ട്തന്നയാണ് അവന്‍ വേഗം വണ്ടിയുടെ ഡ്രൈവിംഗ് ഏറ്റടുത്തതും, എന്നെ പിറകിലെ സീറ്റില്‍ ഇരുത്തി അവളോട്‌ സംസരിപ്പിക്കുവാന്‍ ശ്രമിക്കുന്നതും. 
സംസാരമദ്ധ്യേ, ഉമര്‍ അവളുടെ സഹോദരസ്ഥാനം ഏറ്റടുത്തു, അത് ഒരുതരത്തില്‍ നന്നായി തോന്നി. 
അതുവരെ അധികം സംസാരിക്കാതെയിരുന്ന അവള്‍ പൊടുന്നനെ അവളുടെ വീടിനെ കുറിച്ചും അച്ഛനമ്മമാരെ കുറിച്ചും പറയാന്‍ തുടങ്ങി.  
ഇടയ്ക്കു എപ്പോഴോ എന്നിലെ ചരിത്രകാരന്‍ ഉണര്‍ന്നു. 
ലോകത്തെ അതിപുരാതനമായ നഗരമായ എത്യോപ്യയെ കുറിച്ചും  അവിടെയുള്ള പ്രകൃതി രമണീയതയെ കുറിച്ചുമൊക്കെ എവിടെയെക്കെയോ വായിച്ചത് ഞാനവളുടെ  മുന്നില്‍ വിളമ്പി. 
എന്റെ വിവരണം അവളില്‍ അത്ഭുതവും ജിജ്ഞാസയും ഉണ്ടാക്കി. അവളപ്പോള്‍ കുറച്ചുകൂടി എന്നോട് ചേര്‍ന്നിരുന്നു. 
സംസാരത്തിനിടെ  അവള്‍ ഞങ്ങളെ അവളുടെ വീട്ടിലേക്കു ക്ഷണിച്ചു. 
ഞാന്‍ സ്നേഹപൂര്‍വ്വം അത് നിരസിച്ചുവെങ്കിലും ഉമര്‍ വിട്ടില്ല. 
അവളുടെ വീട്ടിലെത്തി അവരെ എല്ലാവരെയും പരിചയപ്പെടാന്‍ അവന് ദ്രിതിയായി. 
ഞാന്‍ അവനോടു പറഞ്ഞു  "ഉമ്മര്‍ പ്ലീസ്.... വെറുതെ അനാവശ്യമായി നമ്മളോരോ കാര്യങ്ങളില്‍ ചെന്ന് ചാടണോ? അവളെ വിട്ടേക്ക് ..നീ അവളുടെ സഹോദരനായിയെന്നു  പറഞ്ഞ നിമിഷം തന്നെ അവളെന്റെ  മനസ്സില്‍ നിന്ന് പോയി.."  
അതിനു മറുപടി ആയി അവന്‍ പറഞ്ഞു.. "ഡാ...കഥാകാരാ. .നിനക്ക് അനുഭവങ്ങളില്ല എന്നല്ലെ  നിന്റെ പരാതി, ഈ  യാത്ര ഒരു പക്ഷെ നിനക്ക് ഒരനുഭവമായി  മാറിയെങ്കിലോ? ..വെറുതെ ചുമ്മാതെയിരുന്നാല്‍ അനുഭവം ഉണ്ടാവില്ല....അനുഭവങ്ങള്‍ ഉണ്ടാവാന്‍ ജീവിതത്തിലേക്ക് ഇറങ്ങി ചെല്ലണം..സഹജീവികളെ അറിയണം.. മനുഷ്യനെ ഒന്നിപ്പിക്കുന്നത് നിറവിത്യസമോ ജാതിയോ അല്ലന്നു മനസിലാക്കണം" .തുടര്‍ന്നും അവന്‍ എന്തക്കെയോ പറഞ്ഞു കൊണ്ടിരുന്നു..നല്ല സൌഹൃദങ്ങളും, സ്നേഹിക്കുന്ന പെണ്ണും എന്റെ ദൌര്‍ബല്യങ്ങള്‍ ആയിരുന്നു.


നിര്‍ജീവമായ നഗരത്തിന്റെ മനിലനമായ അവശിഷ്ടങ്ങള്‍ക്കിടയിലൂടെ അവള്‍ ഞങ്ങളെ ആനയിച്ചു കൊണ്ട്പോയി.
അവള്‍ക്കു പിറകെ ഒരു അടിമയെ പോലെ, അവളുടെ കാന്തികവലയത്തില്‍ ഞാന്‍ നടന്നു.
എനിക്ക് തൊട്ടുപിറകില്‍ ഉമര്‍. അവന്റെ മനസ്സ് എനിക്ക് അറിയാം.
ഓരോ അറിവിനും വേണ്ടി അവന്‍ അവന്റെ അസ്ഥിത്വം മറന്നു അവനല്ലതാവുന്ന  അവസ്ഥ പലപ്പോഴും എന്നില്‍ അത്ഭുതം ഉണ്ടാക്കിയിട്ടുണ്ട്.
പക്ഷെ എനിക്ക് അങ്ങിനെ പറ്റില്ലല്ലോ.
ഞാന്‍ സുഖങ്ങള്‍ മാത്രമാണ് ആഗ്രഹിക്കുന്നത്.
ചുറ്റുമുള്ളവരെ കുറിച്ചോർത്ത്കൊണ്ട്  ജീവിക്കാന്‍ പറ്റില്ലന്ന വിശ്വാസമാണ് എന്നെ നയിക്കുന്നത്. 
എന്റെ വഴികളുടെ അവസാനത്തെ കുറിച്ച് ഞാന്‍ ഓര്‍ക്കാറില്ല.
നീണ്ടു നീണ്ടു കിടക്കുന്ന രാജപാതയില്‍ കൂടിയാവണം എന്റെ സഞ്ചാരം.
ചുറ്റും പൂക്കള്‍ കൊണ്ട്തീര്‍ത്ത പാതയോരവും, വെട്ടിയൊതുക്കിയ ചെടികളുടെ കമാനങ്ങളും വേണം.   
നിങ്ങള്‍ ഒരു പക്ഷെ എന്നെ കുറ്റപ്പെടുത്തുമായിരിക്കാം.
മനുഷ്യനെ അറിയാന്‍ നിങ്ങളെന്നെ  പ്രേരിപ്പിച്ചേക്കാം.
എല്ലാം അറിഞ്ഞിട്ട്??? 
ഞാനും നിങ്ങളെപോലെ ഇരുട്ടില്‍ സഞ്ചരിക്കണോ?
നഗരത്തിന്റെ അരണ്ട വെളിച്ചത്തില്‍ കാണുന്ന പരിചിതമായ വഴിയില്‍ കൂടി അനായാസം നടക്കുകയാണ് അവളിപ്പോള്‍.
ഞാന്‍ ആകാശത്തേക്ക് നോക്കി.
ഇരുട്ടില്‍ ഒറ്റപെട്ട ഒരു നക്ഷത്രം എന്റെ ചലനങ്ങളെ പിന്തുടരുന്നു.
പെട്ടെന്ന് എനിക്കൊന്നും കാണാന്‍ വയ്യാതായി.
ഞങ്ങളുടെ വഴി എവിടെയോ കൂട്ടിമുട്ടിയിരിക്കുന്നു.
ഇനി മുന്നോട്ടു പോവാന്‍ വഴികളില്ല. എന്നെ വിറക്കാന്‍ തുടങ്ങി.
പണ്ടെങ്ങോ  വായിച്ചുതീര്‍ത്ത അപസര്പക കഥയിലെ കഥാപാത്രങ്ങള്‍ എന്റെ മനസ്സിലേക്ക് ഓടിയെത്തി. 
നീണ്ട കൂര്‍ത്ത പല്ലുകളുള്ള, മനുഷ്യമാംസം ഭക്ഷിച്ച്‌ രക്തമൂറ്റി  കുടിക്കുന്ന രാക്ഷസികളുടെ രൂപങ്ങള്‍ ഓര്‍ത്തപ്പോള്‍  ഭയം എന്റെ ശരീരത്തെ മൂടി.
വിരലുകള്‍ക്കിടയില്‍ ഒളിച്ചുവച്ച ബ്ലൈട് കഷണം കൊണ്ടവള്‍ എന്നെ തലങ്ങും വിലങ്ങും വരഞ്ഞു കൊണ്ടിരിക്കുന്നു.
ദേഹം മുഴുവന്‍ തണുപ്പ് കയറുന്നത് പോലെ..
ഞാനൊഴിച്ച്‌ എനിക്ക് ചുറ്റുമുള്ളതെല്ലാം കറങ്ങുന്നു.  
ബോധത്തിന്റെ നിറം മങ്ങി വരുന്നു. അത് പല വര്‍ണ്ണത്തില്‍ എനിക്ക് ചുറ്റും മാറി മാറി നീങ്ങി. ..


കുറെ നേരമായി ആരോ കതുകില്‍ തട്ടുന്നത് പോലേയൊരു ശബ്ദം  എന്നെ അലസോരപ്പെടുത്തി കൊണ്ടിരിക്കുന്നു. 
ഉറക്കത്തിന്റെ ആലസ്യം കാരണം ഉണരാന്‍ തോന്നുന്നില്ല. 
 കതകിലെ മുട്ടിനു ശക്തി കൂടി കൂടി വരുന്നു.  
ബെഡില്‍ നിന്ന് എഴുന്നേറ്റു ഞാന്‍ ഡോറിന്  അടുത്തേക്ക് ഓടി.
ഡോറിന്റെ   കീ ഹോളില്‍ താക്കോല്‍ കൂട്ടങ്ങള്‍ തൂങ്ങിയാടി കൊണ്ടിരിക്കുന്നു.  ഇതെങ്ങിനെ ഇവിടെ എത്തി? ഞാനിതു ഷെല്‍ഫിലെ ഡ്രോയില്‍ ഇട്ടിരുന്നതാണല്ലോ ? എന്റെ ഓർമകളിൽ ഞാൻ കുറെ തിരഞ്ഞു.
ഡോര്‍ തുറന്നതും ഉമര്‍ ആക്രോശിച്ചു കൊണ്ട് റൂമിനുള്ളിലേക്ക് കയറിയതും ഒന്നിച്ചായിരുന്നു.
അവൻ  സ്വയം ചോദ്യങ്ങള്‍ ചോദിക്കുകയും അതിനുള്ള ഉത്തരങ്ങള്‍ കണ്ടെത്തുകയും  ചെയ്തു കൊണ്ടിരുന്നു. 
എനിക്കൊരു കാര്യം മനസിലായി... ഇന്നലെ രാത്രിക്കും ഇന്നത്തെ പ്രഭാതത്തിനും ഇടയിലായി  എനിക്ക് എന്തോ സംഭവിച്ചിട്ടുണ്ട്.


എനിക്ക് ഒരിക്കല്‍ കൂടി പിറകിലേക്ക് സഞ്ചരിക്കേണ്ടി ഇരിക്കുന്നു.
കാരണം, ഇന്നലത്തെ രാത്രിക്കും ഇന്നത്തെ പ്രഭാത്തിന്നും ഇടയിലെവിടെയോ എന്റെ ഓര്‍മകള്‍ക്ക് ക്ഷതം സംഭവിച്ചിരിക്കുന്നു.
ഞാന്‍ ഈ കഥ തുടങ്ങിയത് സൃഷ്ടാവിനെ തോല്പിച്ച സൃഷ്ടിയില്‍ നിന്നാണ്. വെറുമൊരു സാങ്കല്പികം കഥാപാത്രം ലോകത്തിനു മുന്നില്‍ ജീവിച്ചിരുന്ന ഒരു വസ്തുതയായി ചിലരെങ്കിലും അംഗീകരിക്കുന്നു.
ആ  പ്രതിമക്കു മുന്നില്‍ നിന്നാണ് എന്റെ കഥ പറച്ചില്‍ ആരംഭിച്ചത്.  ഇല്ലാത്തയൊന്നിനെ ഉണ്ടന്ന് ഞാന്‍ വിശ്വസിക്കണമെങ്കില്‍ എന്റെ മനസ്സിനെ ഞാന്‍ ശൂന്യമാക്കണം, 
എന്നിട്ട് ഇല്ലാത്തതിനെ കുറിച്ചുള്ള വിശ്വാസങ്ങള്‍ എന്റെയുള്ളില്‍ നിക്ഷേപിക്കണം.
എന്റെ ഓര്‍മകളുടെ അവസാനം ഞാനെത്തിനില്‍ക്കുന്നത് ബാര്‍ ഹാളിലാണ്.
അവിടെ വച്ചാണ് ഞാന്‍ ആ സുന്ദരിയെ കാണുന്നത്.
അവിടുന്ന് ഉമര്‍ എന്നില്‍ നിന്നും വേര്‍പെട്ടു പോയിട്ടുണ്ട്. 
സുന്ദരി എന്റെ അരികില്‍ വന്നത് ഒരു ചെറിയ  കശപിശയില്‍ എന്നെ കൊണ്ടെത്തിച്ചു. 
എന്നെ തല്ലാന്‍ ഓങ്ങിയ ഒരു കറുത്ത വര്‍ഗക്കാരന്റെ കൈ ഉമര്‍ പിടിച്ചു, എന്നിട്ട് അയാളെ ഉമര്‍ പിടിച്ചു പിറകിലോട്ടു തള്ളി.
മദ്യത്തിന്റെ ലഹരിയിലായത് കൊണ്ടായിരിക്കണം ഒറ്റ തള്ളില്‍ തന്നെ അയാള്‍ വേച്ചു വേച്ചു വീണു പോയത്.
പിന്നെ ഞങ്ങള്‍ വേഗം അവിടം വിട്ടു.
പുറത്തിറങ്ങി അവന്‍ എന്നെ ഒരു ടാക്സിയില്‍ കയറ്റി വിട്ടു.
 ടാക്സി ഡ്രൈവറോട് അവന്‍ എന്റെ ഹോട്ടലിന്റെ അഡ്രസ്‌ പറഞ്ഞു കൊടുത്തിരുന്നു.
ബാറില്‍ സംഭവിച്ച അടിപിടിയില്‍ എന്റെ കണ്ണട തെറിച്ചുപോയിരുന്നു.
ടാക്സിയില്‍ കയറിയ എനിക്ക് അന്ധത ബാധിച്ചത് പോലെ ആയി. 
ശരിയാണ്. ഞാന്‍ എന്തോ നിങ്ങളോട് പറയാന്‍ മറന്നിരിക്കുന്നു..

ഞാന്‍ ടാക്സിയെ വീണ്ടും ആ പബ്ബിലെക്ക് തിരിച്ചു വിടുവിച്ചു.
അവിടെ എവിടെയോ വീണുപോയ എന്റെ കണ്ണട മാത്രമായിരുന്നില്ല  ലക്‌ഷ്യം.
എനിക്ക് അവളെ ഒരിക്കല്‍ക്കൂടി കാണണമായിരുന്നു. 
ഞാന്‍ ടാക്സിയില്‍ നിന്ന്  പുറത്തിറങ്ങുന്നതിനു മുമ്പ് തന്നെ  കാണാന്‍ കഴിഞ്ഞു, പുറത്തു റോഡ്‌രികില്‍ അവള്‍ നില്‍ക്കുന്നത്.
അവളെ എന്റെയരികില്‍ എത്തിച്ചത് ഒരു നിയോഗം പോലെയായി എനിക്ക് തോന്നി.
എത്രയോ പെണ്‍കുട്ടികളെ ഞാന്‍ ദിനം തോറുംകാണുന്നു
എന്നിട്ടും ഇവളെ  മാത്രം എന്തിനാണ് ഞാൻ വീണ്ടും കാണാൻ ആഗ്രഹിച്ചത്?
അവളുടെ കണ്ണുകള്‍ക്ക്‌ നീല നിറമായിരുന്നു.
മുടി രണ്ടായി പിന്നിയിട്ടിരുന്നു.
അവളെ പോലെ ഒരാള്‍ എന്റെ ഓര്‍മകളില്‍ എവിടെയോയായി  ജീവിച്ചിരിക്കുന്നുണ്ട്.
മുടി രണ്ടായി പിന്നിയിട്ട, ഞെറികളുള്ള പാവാട ധരിച്ച ഒരു പെണ്‍കുട്ടി.
എത്രയോ പകലുകള്‍ ഞാനവളെ നോക്കി നിന്നിട്ടുണ്ട്.
അവളെനിക്കൊരു  സ്വപനമായിരുന്നു. 
സ്വപ്ങ്ങള്‍ സാക്ഷാല്‍ക്കരിക്കാന്‍ ഭാഗ്യം വേണം.
എനിക്ക് ഭാഗ്യമില്ലാതെ പോയത് അവളെയെനിക്കു നഷ്ടമായത് ഓര്‍ക്കുമ്പോള്‍ മാത്രമാണ്. 
ഞാന്‍ അവളെയും ടാക്സിയില്‍ കയറ്റി ഹോട്ടല്‍ മുറിയിലേക്ക് പോയി.. അവിടെവച്ച് ഞങ്ങള്‍ വീണ്ടും മദ്യം കഴിച്ചു.
അവളെനിക്കു അരികെയിരുന്നു സ്നേഹപൂര്‍വ്വം ഒഴിച്ച്തരികയായിരുന്നു.
സ്നേഹം എന്റെ ദൌര്‍ബല്യങ്ങളില്‍ ഒന്നാണ്.
പിന്നെ പിന്നെ എന്റെ ഓര്‍മകളുടെ നിറം മങ്ങി തുടങ്ങി.
നിര്‍ജീവമായ നഗരത്തിന്റെ മനിലനമായ അവശിഷ്ടങ്ങള്‍ക്കിടയിലൂടെ അവളെന്നെ ആനയിച്ചു കൊണ്ട്പോയി.
അവള്‍ക്കു പിറകെ ഒരു അടിമയെ പോലെ അവളുടെ കാന്തികവലയത്തില്‍ ഞാന്‍ നടന്നു.
പിന്നെ പിന്നെ.. വിരലുകള്‍ക്കിടയില്‍ ഒളിച്ചു വച്ച ബ്ലൈട് കഷണം കൊണ്ട് അവള്‍ എന്നെ തലങ്ങും വിലങ്ങും......... 
ഞാന്‍ പെട്ടെന്ന്  ഷെല്‍ഫിലെ ഡ്രോയര്‍ തുറന്നു.. ഹോ.. എന്റെ കണ്ണുകളെ വിശ്വസിക്കാന്‍ കഴിഞ്ഞില്ല.
അവിടെ ശൂന്യമായിരുന്നു.. പെയ്സും അതിലുള്ള ക്രെഡിറ്റ്‌ കാര്‍ഡ്‌, ഡ്രൈവിംഗ് ലൈസന്‍സ്, പാസ്പോര്‍ട്ട്‌,  സ്യൂട്ട് കൈസ് എല്ലാം നഷ്ടപ്പെട്ടിരിക്കുന്നു.

എനിക്ക് ഭാഗ്യമില്ല, 
സ്വപ്ങ്ങള്‍ യാഥാര്‍ത്ഥ്യമാവാന്‍ ഭാഗ്യം വേണം.
മുടി രണ്ടായി പിന്നിയിട്ട, നീല കണ്ണുകളുള്ള,  ഞെറികളുള്ള പുള്ളി പാവാട ധരിച്ച, എന്റെ മനസ്സില്‍ന്റെ കോണില്‍ എവിടെയോ ജീവിക്കുന്ന, 
എന്റെ സ്നേഹത്തിന്റെ നൊമ്പരമായ എന്റെ ആത്മസഖി....
ഒരിക്കൽക്കൂടി  ഞാന്‍ നിര്‍ഭാഗ്യവാനായിരിക്കുന്നു .
വീണ്ടും എല്ലാം നഷ്ടപ്പെട്ടവനായി.....

Thursday, November 12, 2015

റിയാലിറ്റി ഷോ



'പ്രബുദ്ധ മലയാളി കണ്‍ഫൂസഡ് ദേശി ' എന്ന പേരിൽ പുതുതായി ആരംഭിക്കുന്ന റിയാലിറ്റി ഷോയിലേക്ക് ഇരുപത്തിയഞ്ചിനും മുപ്പതിനും മദ്ധ്യേ പ്രായമുള്ള സുന്ദരികളായ യുവതികളിൽ നിന്നും അപേക്ഷകൾ ക്ഷണിക്കുന്നു എന്ന പരസ്യം വഴിയാണ് 'മലയാളി ഭൂമിക' ചാനലിന്റെ ഓടിഷൻ സെന്ററിൽ അവൾ എത്തിച്ചേർന്നത്. ചുവന്ന നിറത്തിൽ ഗ്രാനൈറ്റ് കല്ലുകൾ പതിച്ച ഇരിപ്പിടങ്ങൾക്കു താഴെയായി പച്ച പരവതാനി വിരിച്ചു അലങ്കരിച്ച ഒരു നടുമുറ്റമാണ് ഓടിഷന് വേണ്ടി ചാനൽ ഒരുക്കിയിരുന്നത്. നടുമുറ്റം നിറയെ സുന്ദരികളായ സ്ത്രീകളെ കൊണ്ട് നിറഞ്ഞു കവിഞ്ഞിരിക്കുന്നത് അവൾ കണ്ടു. കഷണ്ടി കയറി പാതി നരച്ച തലകളുള്ള, വലിയ ബലൂണുകൾ ശരീരത്തിൽ കെട്ടിവച്ചത് പോലെ വയറുകളുള്ള കുറെ പുരുഷന്മാർ ആ സ്ത്രീകള്ക്ക് ചുറ്റുമായി അശ്ലീലം നിറഞ്ഞ കണ്ണുകളുമായി കറങ്ങി തിരിയുന്നുണ്ടായിരുന്നു. കുറെയേറെ നേരത്തെ കാത്തിരിപ്പിന്നു ശേഷം, ഇരയുടെ നേർക്ക്‌ നാക്ക് നീട്ടി മുരണ്ടു കൊണ്ടിരിക്കുന്ന അൽസേഷ്യൻ നായയെ പോലെ തോന്നിപ്പിക്കുന്ന ഒരാൾ ആ ഷോയുടെ പ്രത്യേകതകളെ കുറിച്ച് വിവരിക്കാൻ തുടങ്ങി. "മറ്റു ചാനലുകളിലെ ഷോയിൽ നിന്ന് ഈ ഷോയെ വ്യത്യസ്തമാക്കുന്നത് ഇതിലേക്ക് തിരഞ്ഞു എടുക്കുന്ന മത്സരാർത്ഥികളുടെ എണ്ണത്തിലെ ആധിക്യമാണ്‌. നൂറ്റിനാൽപതു സ്ത്രീ രത്നനങ്ങളെയാണ് നമ്മൾ ഈ പരിപാടിയിലേക്ക് സെലെക്റ്റ് ചെയ്യുക. ഓരോ മത്സരാർത്ഥിക്കും ഓരോ ടാസ്ക്ക് നല്കും, ഏറ്റവും നന്നായി ടാസ്ക്ക് ചെയ്യുന്ന പത്തു പേരെയാണ് മത്സര വിജയികളായി പ്രഖ്യാപിക്കുക. മത്സരത്തിന്റെ പ്രാരംഭമായി നിങ്ങള്ക്ക് ഓരോ കവറുകൾ വിതരണം ചെയ്യും. അതിൽ ടാസ്ക്കിനെ സംബന്ധിച്ച വിഷയം എഴുതിയിട്ടുണ്ടാവും. ആ വിഷയത്തെ ആസ്പദം ആക്കിയിട്ടുള്ള കഥയാണ് നിങ്ങൾ ഓരോരുത്തരം ഉണ്ടാക്കേണ്ടത്. നിങ്ങൾ തയ്യാറാക്കുന്ന കഥക്ക് അനുയോജ്യമായ തിരക്കഥ ചാനൽ ഉണ്ടാക്കും. പിന്നീട് കഥാപാത്രങ്ങളെ കണ്ടെത്തി ഒളി ക്യാമറകൾ വഴി ഞങ്ങൾ അത് ചിത്രീകരിക്കും. മറ്റു ചാനലുകളെ പോലെ ആദ്യമേ സമ്മാനം പ്രഖ്യാപ്പിക്കുന്ന രീതിയല്ല നമ്മുടേത്‌. അതുപോലെ കുറച്ചു ലക്ഷങ്ങളോ, ഫ്ലാറ്റുകളോ അല്ല നമ്മൾ സമ്മാനം ആയി നല്കാൻ ആഗ്രഹിക്കുന്നത് പകരം, ഇതിലെ വിജയികളെ പൊതു സമൂഹത്തിൽ ഏറ്റവും കൂടുതൽ ചര്ച്ച ചെയ്യപ്പെടുന്ന വ്യക്തിത്വങ്ങളാക്കി വളര്ത്തി കൊണ്ട് വരാനാണ് ഈ ചാനൽ പദ്ധതിയിടുന്നത്. അത് പ്രകാരം, അവര്ക്ക് ജീവിതത്തിൽ തങ്ങൾ സ്വപനം കാണുന്ന ഉയരങ്ങളിലേക്കും ജനപ്രീതിയിലേക്കും എത്തിപ്പെടാൻ സാധിക്കും'
.
ടാസ്ക്ക് എഴുതിയ കവറിലെ ' വശീകരണം' എന്ന പദം മനസ്സിന്റെ മഞ്ഞു പാളികൾക്കിടയിൽ നിക്ഷേപിച്ചുകൊണ്ട് അവൾ കുറെ ദിവസങ്ങൾ തള്ളി നീക്കി. മറ്റുള്ളവരുടെ ചിന്തകളുടെ കൂടെ സഞ്ചരിക്കാതെ തന്റെ മനസ്സിനെ സ്വതന്ത്രമായി വിഹരിക്കാൻ വിടാനാണ് അവൾ ആദ്യം തീരുമാനിച്ചത്. പക്ഷെ അത് വിജയിക്കാതെ വന്നപ്പോളാണ് തന്റെ കൂട്ടുകാരികളോട് ഈ വിഷയം സംസാരിച്ചത്. പക്ഷെ, ആരുടേയും ഉത്തരം അവളെ തൃപ്തയാക്കിയില്ല. "ഒരു പെണ്ണിനേയും സ്നേഹം നടിച്ചു വശീകരിക്കാത്ത ഒരു പയ്യനെ എനിക്ക് വിവാഹം കഴിക്കാന്‍ പറ്റുമോ" എന്ന് ചോദിച്ചു കൊണ്ട് ഒരു കൂട്ടുകാരി അവൾക്കു അയച്ച സ്ക്രാപ്പ് കണ്ടപ്പോള്‍ അവൾക്കു സന്തോഷം അടക്കാനായില്ല. തന്റെ കഥയുടെ ബീജ സങ്കലനം നടന്നു കഴിഞ്ഞിരിക്കുന്നുവെന്ന് അവൾക്കു തോന്നി. ഇനി കഥ മുന്നോട്ടു കൊണ്ട് പോവണം പക്ഷെ എങ്ങിനെ? പലപ്പോഴും, താൻ സ്വയം ചോദിക്കുന്ന ചോദ്യങ്ങള്ക്ക് ഉത്തരം നല്കിയിരുന്നത് തന്റെ മനസ്സ് തന്നെയാണ് എന്ന് അവൾക്കു മുൻകാല അനുഭവങ്ങളിലൂടെ ബോധ്യപ്പെട്ടിടുണ്ട്. അത് കൊണ്ട് ഈ ചോദ്യവും അവൾ തന്റെ മനസ്സിന്റെ പാദങ്ങളിൽ സമർപ്പിച്ചു.'എങ്ങിനെ ഈ കഥ മുന്നോട്ടു കൊണ്ട് പോവും?' അതിനു അവളുടെ മനസ്സ് അവളോട്‌ പറഞ്ഞ ഉത്തരം ഇങ്ങിനെ ആയിരുന്നു. "നീ ഒരു സ്ത്രീയല്ലേ? ഇതിനും മുമ്പും നീ ഇതുപോലെയുള്ള ചോദ്യങ്ങളുമായി എന്റെ മുന്നിൽ വന്നു നിന്ന് കരഞ്ഞിട്ടില്ലേ? അവസാനം നീ തന്നെ സ്വയം കണ്ടു പിടിച്ചില്ലേ കഥയുടെ തലയും വാലുമെല്ലാം" പെട്ടെന്ന് അവളുടെ മനസ്സിലേക്ക് ഒരാളുടെ രൂപം ഓടിയെത്തി. അവളെ എപ്പോഴും നോക്കികൊണ്ടിരിക്കുന്ന, അവളോട്‌ സംസാരിക്കാൻ കഴിയാതെ അസ്വസ്ഥം ആവറുള്ള ഒരാൾ. അവൾ സ്ഥിരമായി സാധനങ്ങൾ വാങ്ങിക്കുന്ന ഒരു സുപ്പർ മാർക്കറ്റ് മുതലാളിയുടെ മകന്റെ രൂപമായിരുന്നു അത്. അയാളെക്കുറിച്ച് പലപ്പോഴും അവൾ കുറെയേറെ ചിന്തിച്ചിട്ടുണ്ട്. എന്ത് കൊണ്ട് സ്ത്രീ ശരീരം പുരുഷനെ അസ്വസ്ഥതമാക്കുന്നു? സ്ത്രീക്ക് പക്ഷെ പുരുഷ ശരീരം കാണുമ്പോൾ ഇത്തരം അസ്വസ്ഥതകൾ തോന്നാറുണ്ടോ? ഇല്ല എന്നാണ് തന്റെ ഉത്തരം. പക്ഷെ ചിലരോട് ആകര്ഷണം തനിക്കു തോന്നിയിട്ടുണ്ട്, അത് ശാരീരിക സൌന്ദര്യം കൊണ്ട് മാത്രം അല്ലായിരുന്നു. അവരുടെ സ്വഭാവ സവിശേഷതകൾ കൂടി അതിനു ഒരു കാരണമായിരുന്നു. പക്ഷെ ഒരിക്കലും അത് അസ്വസ്ഥത ആയിരുന്നില്ല. ഒരു പക്ഷെ പുരുഷന്റെയും സ്ത്രീയുടെയും ചിന്തകളിലെ വൈരുധ്യം ആയിരിക്കാം അതിനു കാരണം. യഥാർത്ഥത്തിൽ പുരുഷനു സ്ത്രീയോട് തോന്നുന്നത് ഒരു തരം ഭ്രാന്തു അല്ലെ? . ചിലർ ആ ഭ്രാന്തിനെ സ്നേഹം എന്ന് തെറ്റായി വ്യാഖ്യാനിക്കുന്നു. പുരുഷ ഭ്രാന്തിനെ മനസ്സിലാവാതെ ലോലമായ സ്ത്രീ തന്റെ സർവസവും സ്നേഹം എന്ന ലേപനം പുരട്ടിയ പുരുഷന്റെ ഭ്രാന്തിനു മുന്നില് ബലി നല്കുന്നു. തന്റെ ശരീരത്തോട് ഒട്ടിചേർന്നു വിയർപ്പിൽ മുങ്ങി കിടക്കുന്ന സ്ത്രീയെ നോക്കി 'വിഡ്ഢി' എന്ന് പേര് ചൊല്ലി വിളിക്കാൻ ആഗ്രഹിക്കാത്ത പുരുഷ മനസ്സ് വിരളം ആയിരിക്കുമെന്ന് തോന്നുന്നു. തന്നെ നോക്കിയിരിക്കുമ്പോൾ അയാളുടെ മനസ്സിലും ഭ്രാന്ത് ആയിരിക്കും. പിന്നെ ഒട്ടും താമസിച്ചില്ല. ആപ്പിളിന്റെ ചിത്രം ആലേഖനം ചെയ്ത ലാപ്ടോപ്പിന്റെ കീ ബോർഡിൽ അവളുടെ വിരലുകളിലൂടെ കഥ കുഞ്ഞ് പിറന്നു വീണു.
.
'അയാള്‍ അവളെ തന്നെ നോക്കി നില്‍ക്കുകയാണ്. ഇന്നും പാലും, മുട്ടയും, പഴവും മാത്രമായിരിക്കുമോ അവള്‍ വാങ്ങുക? അതോ ഇന്ന് മറ്റുവല്ലതും? കുറെ ദിവസങ്ങളായി ആ സൂപ്പര്‍മാര്‍ക്കറ്റില്‍ നിന്ന് അവള്‍ വാങ്ങാറുള്ളത് അത്തരം സാധനങ്ങള്‍ മാത്രമാണ് എന്ന കാര്യം അയാളോര്‍ത്തു. അവളെ മാത്രമല്ല ആ സൂപ്പര്‍മാര്‍ക്കറ്റിലേക്ക് വരുന്ന ഓരോ സ്ത്രീകളെയും അയാള്‍ ശ്രദ്ധിക്കാറു ണ്ടായിരുന്നു. ഓരോരുത്തരുടെയും മുഖ സൌന്ദര്യവും, ശരീര വടിവുകളും, അരക്കെട്ടിന്റെയും ചലനങ്ങളും അയാള്‍ക്ക് നല്ലവണ്ണം മനപാഠം ആണ്. റോഡിനു അഭിമുഖമായി സ്ഥാപിച്ചിരിക്കുന്ന കാഷ് കൗണ്ടറിന്റെ ഗ്ലാസ്സിലൂടെ നോക്കിയാല്‍ സൂപ്പര്‍മാര്‍ക്കറ്റിലേക്ക് വരുന്ന ആളുകളെ തിരിച്ചറിയാന്‍ അയാള്‍ക്ക് സാധിക്കുമായിരുന്നു. സ്ഥിരമായി സാധനങ്ങള്‍ വാങ്ങി കൊണ്ടുപോവുന്ന സ്ത്രീകളില്‍ ചിലരുടെയൊക്കെ ആകാരവടിവ് അയാളുടെ മനസ്സിനെ അസ്വസ്ഥമാക്കിയിരുന്നു. പക്ഷെ, തൊട്ടടുത്ത കൗണ്ടറില്‍ തന്റെ വൃദ്ധനായ അച്ഛന്‍ ഉണ്ട് എന്ന ബോധം, അത്തരം മാനസികമായ അസ്വസ്ഥകളെ പുറമേക്ക് കാണിക്കാതെയിരിക്കാന്‍ അയാളെ നിര്‍ബന്ധിതനാക്കി. ബിസിനസ്‌ സ്ഥാപനം നടത്തുന്ന മുതലാളിക്ക് ഒരു പരിധിവിട്ട് ഇടപാടുകാരോട് അടുപ്പം കാണിക്കാനുള്ള അവകാശം ഇല്ല എന്നാണ് അയാളുടെ അച്ഛന്റെ പക്ഷം. അത്തരം ഒരു അടുപ്പം ഏതെങ്കിലും ഒരാള്‍ തിരിച്ചറിയപ്പെടുകയാണെങ്കില്‍ തീര്‍ച്ചയായും ആ ആള്‍ ആ സ്ഥാപനത്തിലെ സാധനങ്ങള്‍ പലതും കൈവശപ്പെടുത്തികൊണ്ടിരിക്കും എന്നാണ് അച്ഛന്‍ കരുതുന്നത്. അതുകൊണ്ട് തന്നെ, അയാളും എല്ലായിപ്പോഴും ഒരു അകലം തന്റെ ഇടപാടുകാരില്‍ നിന്നും പാലിച്ചിരുന്നു. സുന്ദരിയായ സ്ത്രീകളെ കാണുമ്പോള്‍ പലപ്പോഴും അച്ഛൻ പറഞ്ഞതൊക്കെ അയാൾ മറന്നുപോവാറുണ്ടായിരുന്നു. അതുകാരണം സ്ത്രീകള്‍ക്ക് ഇടയില്‍ അയാള്‍ ഒരു മനുഷ്യപറ്റുള്ള, ദയാലുവായ ആളായിട്ട് ആയിരുന്നു അറിയപ്പെട്ടിരുന്നത്. പലപ്പോഴും സ്ത്രീകള്‍ അച്ഛന്‍ ഇരിക്കുന്ന കൗണ്ടറില്‍ പോവാതെ, അയാള്‍ ഇരിക്കുന്ന കൗണ്ടറിലേക്ക് പോവാനാണ് താല്പര്യം കാണിച്ചിരുന്നത്.
.
പാലും മുട്ടയും, പഴവും നിറച്ച ഷോപ്പിംഗ്‌ ബാസ്ക്കറ്റുമായി കൗണ്ടറിന് അരികിലേക്ക് വന്നുകൊണ്ടിരിക്കുന്ന അവളെ അയാള്‍ കണ്ടു.
അവൾ ധരിച്ചിരിക്കുന്ന ചിത്രതുന്നലുകളുള്ള ചുവന്ന സാരിയും, കയ്യില്‍ അണിഞ്ഞിരിക്കുന്ന ചുവന്ന കുപ്പിവളകളും നെറ്റിയിലെ ചുവന്ന കുങ്കുമപൊട്ടും അവളെ കൂടുതൽ പ്രകാശിപ്പിക്കുന്നതായി അയാള്ക്ക് തോന്നി. സ്ഥിരമായി ഈ സാധനങ്ങള്‍ മാത്രം അവള്‍ വാങ്ങി കൊണ്ട് പോവുന്നതിന്റെ കാരണം എന്തായിരിക്കും? ഇന്ന് എന്തായാലും അത് ചോദിക്കണം എന്ന് അയാള്‍ മനസ്സില്‍ കണക്കുകൂട്ടി. ഒരു മനുഷ്യന്റെ ജീവിതത്തിലെ സമികൃതാഹാര ക്രമത്തില്‍ നിര്‍ബന്ധമായും ഉള്‍കൊള്ളുന്നതാണ് പാല്‍ മുട്ട പഴ വര്‍ഗങ്ങള്‍. പക്ഷെ, ഇപ്പോള്‍ ആഹാരക്രമം ആലോചിച്ചാണ് ഏറെ ആളുകളും മനോവിഭ്രമത്തിനു അടിമയവുന്നത്. അത് കൊണ്ട് തന്നെ, ലഭ്യമാവുന്ന ഭക്ഷണം എങ്ങിനെ ഉപയോഗപ്പെടുത്തണം എന്നും ആര്‍ക്കും അറിയില്ല. ഓരോ ദിവസവും എത്രയെത്ര ഉത്പന്നങ്ങളാണ് പുതുതായി മാര്‍ക്കറ്റില്‍ ഇറങ്ങുന്നത്. അത്തരം ഉത്പന്നങ്ങള്‍ ആണ് ഓരോ ഉപഭോക്താവിനും ഷോപ്പിംഗ്‌ കൂടുതല്‍ ആകര്‍ഷകമായി തോന്നുന്നതിന് കാരണം. കാശ് വാങ്ങുന്നതിന്നിടയില്‍, പാലും, മുട്ടയും, പഴവും ഉൾകൊള്ളുന്ന ആഹാരക്രമത്തിന്റെ രഹസ്യത്തെ കുറിച്ചുള്ള അയാളുടെ ചോദ്യത്തിന് മറുപടി പറയാതെ, അവള്‍ അയാളുടെ കയ്യില്‍ നിന്ന് അഞ്ചു റീചാര്‍ജ് കൂപ്പന്‍ വാങ്ങികൊണ്ട് പറഞ്ഞു 'പതിവ് തെറ്റിച്ചിരിക്കുന്നു' അതുകേട്ടു അയാള്‍ക്ക് ചിരിയടക്കാന്‍ സാധിച്ചില്ല. അയാളുടെ പൊട്ടിചിരിയില്‍ അവളും പങ്കുചേര്‍ന്നു. ചിരിച്ചു കൊണ്ടിരിക്കെ അയാള്‍ അവളെ കുറിച്ച് കൂടുതല്‍ അനേഷിച്ചു. ചെറിയ ചെറിയ പാര്‍ട്ട്‌ ടൈം ജോലികള്‍ ചെയ്തു കൊണ്ടാണ് അവള്‍ ജീവിച്ചു പോവുന്നതെന്നും, ഒരു ഫുള്‍ ടൈം ജോലിയാണ് ആഗ്രഹിക്കുന്നതെന്നും അവള്‍ അയാളോട് പറഞ്ഞപ്പോള്‍, അയാള്‍ അവളുടെ ടെലിഫോണ്‍ നമ്പര്‍ വാങ്ങി ഒരു കടലാസ്സില്‍ കുറിച്ചിട്ടു. ഒരു ദിവസം അയാള്‍ക്ക് ഒരു ആശയം തോന്നി. എന്ത് കൊണ്ട് തന്റെ സുപ്പര്‍ മാര്‍ക്കെറ്റില്‍ ഒരു ഫുള്‍ ടൈം ജോലിക്കരിയായി അവളെ നിയോഗിച്ചു കൂടാ? അത് വഴി തനിക്കു അവളെ എന്നും കണ്ടു കൊണ്ടിരിക്കുകയും ചെയ്യാം. അപ്പോഴാണ് അവള്‍ തന്ന മൊബൈല്‍ നമ്പറിനെ കുറിച്ച് അയാള്‍ ഓര്‍ത്തത്. അവളുടെ പേര് അറിയാത്തത് കാരണം, ആ നമ്പര്‍ തന്റെ മൊബൈലിന്റെ കോണ്ടാക്റ്റ് ബോക്സില്‍ ആഡ് ചെയ്തത് ബനാന എന്ന പേരില്‍ ആണ് എന്ന കാര്യം അയാള്‍ക്ക് ഓര്മ വന്നു. അയാള്‍ ബനാന എന്ന പേര് എടുത്തു അതിലേക്കു വിളിച്ചു.
'ആരാണ് ഇത് ?' കാള്‍ എടുത്തു കൊണ്ട് അവള്‍ ചോദിച്ചു
'ഞാന്‍ .. ഞാന്‍...' വിക്കി വിക്കി അയാള്‍ അത്രയും പറഞ്ഞപ്പോള്‍ അവള്‍ ചോദിച്ചു
ഞാന്‍ എന്ന് പറഞ്ഞാല്‍ ?
മുപ്പത്തിരണ്ടു വയസ്സുള്ള സുമുഖനായ ഒരു ചെറുപ്പക്കാരന്‍
'ആരാണ് ഈ നമ്പര്‍ നിങ്ങള്ക്ക് തന്നത്?'
അയാള്ക്ക് പെട്ടെന്നൊരു കുസൃതി തോന്നി. അയാൾ അവളോട്‌ പറഞ്ഞു 'എന്റെ ഒരു സുഹൃത്താണ് ഇത് തന്നത്'
'സുഹ്രത്ത് എല്ലാം പറഞ്ഞിട്ടില്ലേ?'
ഇല്ല ഒന്നും പറഞ്ഞിട്ടില്ല,
പിന്നെ എന്തിനാണ് വിളിച്ചത്
സുന്ദരിയാണ്‌.. വിളിച്ചു നോക്ക്, എന്ന് മാത്രം പറഞ്ഞു'
അല്‍പനേരത്തെ നിശബ്ധതക്ക് ശേഷം അവള്‍ പറഞ്ഞു "ശരി.. ഞാനിപ്പോള്‍ തിരക്കില്‍ ആണ്. കുറച്ചു കഴിഞ്ഞു ഞാന്‍ തിരിച്ചു മിസ്സ്‌ കാള്‍ തരാം, അപ്പോള്‍ വിളിച്ചാല്‍ മതി' അതും പറഞ്ഞു അവള്‍ കാള്‍ ഡിസ്കണക്ട് ചെയ്തു.
അവള്‍ക്കു തന്നെ മനസ്സിലായിട്ടില്ല എന്നോര്‍ത്തപ്പോള്‍ അയാള്‍ക്ക് വളരെ സന്തോഷം തോന്നി. പക്ഷെ, ആ സന്തോഷം അധികം നീണ്ടു നിന്നില്ല..
സുഹ്രത്ത് തന്നതാണ് നമ്പര്‍ എന്ന് പറഞ്ഞപ്പോള്‍, 'അയാള്‍ ഒന്നും പറഞ്ഞില്ലേ' എന്ന അവളുടെ ചോദ്യം അയാളെ ആശയ കുഴപ്പത്തിലാക്കി. താന്‍ അറിയാത്ത എന്തെങ്കിലും നിഗൂഡതകള്‍ അവളില്‍ ഉണ്ടോ? ഉണ്ടാവണം. അവളെ കുറിച്ച് തനിക്കറിയാത്ത പലതും മറ്റുള്ളവര്‍ക്ക് അറിയുമായിരിക്കും. അത് എന്തായിരിക്കും? തന്റെ സൂപ്പര്‍ മാര്‍ക്കറ്റിനു ചുറ്റുമായി ശരീരം വിറ്റു ജീവിക്കുന്ന കുറെ സ്ത്രീകള്‍ ഉണ്ടെന്നു അയാള്‍ കേട്ടിടുണ്ട്. അത്തരക്കാരെ കുറിച്ച് ഓര്‍ക്കുമ്പോള്‍ അയാളില്‍ അറുപ്പും വെറുപ്പും നിറയുമായിരുന്നു. പക്ഷെ അവരെ അതിലേക്കു നയിക്കുന്ന വികാരത്തെ കുറിച്ച് അയാൾ ഓര്ക്കാറുണ്ട്. വിശപ്പടക്കാനുള്ള അന്നം കണ്ടെത്തുന്നതിനു വേണ്ടിയായിരുന്നു മുമ്പൊക്കെ ഇത്തരം പ്രവര്ത്തികളിലേക്ക് ആളുകളെ നയിച്ചിരുന്നത് എന്ന് കേട്ടിട്ടുണ്ട്. ചെറ്റക്കുടിലിലെ ഓലമറക്കുള്ളിലെ രോധനങ്ങളും, പിടചിലുകളും, അവര്ക്കിടയിലൂടെ മൂക്കള ഒലിപ്പിച്ചുകൊണ്ട് മുട്ടിലിഴഞ്ഞു നടക്കുന്ന കുഞ്ഞുങ്ങളുടെ ദയനീയ മുഖവും, ഒട്ടിയവയറും എല്ലാം പെട്ടെന്ന് കുറെ കാഴ്ചകളായി അയാളുടെ മനസ്സിലൂടെ കടന്നു പോയി. അസ്സഹത്യത്തോടെ അയാൾ ചിന്തകളിൽ നിന്ന് ഒളിച്ചോടാൻ വെമ്പൽ കൊണ്ടു. പക്ഷെ, ചിന്തകള് ഒരു ഗർത്തത്തിൽ നിന്നും മറ്റൊരു ഗർത്തത്തിലേക്ക് വേഗത്തിൽ അയാളെ നയിച്ച്‌ കൊണ്ടു പോവാൻ തുടങ്ങിയിരുന്നു. ഇപ്പോൾ എവിടെ പട്ടിണി? തനിക്കു ചുറ്റുമുള്ള സമൂഹം ആഡംബരത്തിൽ സ്വയം മറന്നു ജീവിക്കുകയാണ്. അതുകൊണ്ട് തന്നെ, ജീവിതം നില നിര്ത്തുക എന്ന ലക്ഷ്യമല്ല തന്റെ ശരീരം വില്പനയ്ക്ക് വക്കുക എന്ന കാര്യത്തിലൂടെ ഒരു സ്ത്രീ ലക്ഷ്യമാക്കുന്നത്. പിന്നെ എന്തായിരിക്കും? ഒരു പക്ഷെ, അവരെ അങ്ങിനെ ഒരു അവസ്ഥയിലേക്ക് ആദ്യം എത്തിച്ചത് ഏതെങ്കിലും ഒരു പുരുഷന്റെ സ്നേഹ വലയം ആയിരിക്കാം. സ്നേഹം നടിച്ചു വശീകരിച്ചു , തന്റെ കാമമോഹങ്ങളുടെ പൂര്‍ത്തികരണത്തിന് ശേഷം, സ്ത്രീയെ, നീ വെറും വേപില മാത്രമാണ്, കാര്യം കഴിഞ്ഞാല്‍ വലിച്ചെറിയപ്പെടുക എന്നത് നിന്റെ നിയോഗമാണ് എന്ന് പുരുഷന്‍ അവളോട്‌ പറഞ്ഞിരിക്കാം. താന്‍ സ്നേഹിച്ചു വിശ്വസിച്ച ആളില്‍ നിന്ന് വഞ്ചിതയാവുക എന്നത് ജീവനോടെ ചിതയിലേക്ക് എരിയപ്പെടുന്നതിനു സമമാണ് എന്നായിരിക്കും സ്ത്രീകള് വിശ്വസിക്കുന്നത്. അത്തരം ഒരു അവസ്ഥ ആയിരിക്കാം, ഒരുവേള ഇത്തരത്തിലുള്ള തൊഴില്‍ ചെയ്യാന്‍ പ്രേരിതര്‍ ആക്കിയത്. ഈ സ്ത്രീകളെ തേടി പോവുന്ന വിവാഹിതരായ ചില പുരുഷന്മാരെ അയാൾ കണ്ടിട്ടുണ്ട്. അവരൊക്കെ ഒരു പക്ഷെ ഭാര്യായാല്‍ ലൈംഗികതൃപ്തി സാധ്യമാവാത്തവർ ആയിരിക്കണം. അവരുടെ ഭാര്യമാർ തന്റെ ഭര്ത്താവിന്റെ സ്നേഹത്തെ കുറിച്ച് വാതോരാതെ സംസാരിക്കുന്നത് അയാൾ കേട്ടിട്ടുണ്ട്. തങ്ങളുടെ ഭാര്യമാർക്ക് മുന്നില് സ്നേഹത്തിന്റെ അമൂല്യമായ നിധി കുംഭം പേറി ആയിരിക്കണം അവർ അവതരിക്കുന്നത്. ഒരേസമയം ദ്വിവിധമായ വ്യക്തിത്വം കാത്തു സൂക്ഷിക്കുന്ന ഈ പുരുഷന്മാർ കുടുംബ ബന്ധത്തെ ഊഷ്മളം ആക്കാൻ കുറെ പാട് പെടുന്നുണ്ടായിരിക്കണം. ഇതൊക്കെ കാണുമ്പോൾ, യഥാര്‍ത്ഥത്തില്‍ ഇത്തരം തൊഴില്‍ ചെയ്യുന്നവര്‍ ഉള്ളത് കൊണ്ട് സമൂഹത്തിനു ഗുണവും ഉണ്ട് എന്ന് അയാള്‍ക്ക് തോന്നാറുണ്ട്. അല്ലായിരുന്നുവെങ്കിൽ, ഈ പുരുഷന്മാർ , മാനസികമായ മുറിവുകളുമായി കുടുംബത്തിന്റെ സ്വസ്ഥത നശിപ്പിക്കുന്നവർ ആയി മാറിയേനെ. പക്ഷെ ഇത്തരം തോന്നലുകള്‍ സാമൂഹ്യ ചിന്തകള്‍ക്ക് എതിരാണ് എന്ന് മനസ്സിലാക്കിയത് കൊണ്ട് അതൊന്നും ആരോടും തുറന്നു പറയാന്‍ അയാള്‍ക്ക് ധൈര്യം തോന്നാറില്ല. അത്തരം ഒരു സ്ത്രീയാവുമോ അവള്‍? അതാവുമോ പാര്‍ട്ട്‌ ടൈം ജോലി. ഹേ.. അതായിരിക്കില്ല.. ആയിരുന്നുവെങ്കില്‍ തന്റെ പ്രതിഫലത്തെ കുറിച്ച് സംസരിക്കില്ലയിരുന്നോ?
.
ഏകദേശം ഒരു മണിക്കൂര്‍ കഴിഞ്ഞപ്പോള്‍ അയാള്‍ക്ക് അവളുടെ മിസ്സ്‌ കാള്‍ കിട്ടി. അയാള്‍ തിരിച്ചു വിളിച്ചപ്പോള്‍ അവള്‍ ചോദിച്ചു
'എവിടെയാണ് ഇപ്പോള്‍ ഉള്ളത്'
ഏറണാകുളം എന്ന് പറയേണ്ടതിനു പകരം അയാള്‍ ഒരു കള്ളം പറഞ്ഞു 'തൃശൂര്‍'
'എന്റെ താമസ സ്ഥലത്തേക്കുള്ള വഴി അറിയുമോ?'
അതിന്റെ മുന്നിലാണ് താന്‍ നില്‍ക്കുന്നത് എന്ന് മനസ്സില്‍ പറഞ്ഞു കൊണ്ട് 'ഇല്ല' എന്ന് അയാൾ അവളോട്‌ പറഞ്ഞു.
അവള്‍ താന്‍ താമസിക്കുന്ന കെട്ടിടവും, കെട്ടിടത്തിലെ ഫ്ലാറ്റ് നമ്പറും പറയുന്നതിടയില്‍ ഒരു പ്രേത്യക കാര്യം കൂടി ഓര്‍മിപ്പിച്ചു 'ഞാന്‍ ഇവിടെ താമസിക്കുന്നത് ഒരു ഫാമിലിയുടെ കൂടെ പേയിംഗ് ഗസ്റ്റ്‌ ആയിട്ടാണ്. നിങ്ങള്‍ ഇവിടെക്ക് വരുമ്പോള്‍, ഡോര്‍ ബെല്‍ അടിക്കരുത് പകരം ഡോര്‍നു പുറത്തു എത്തിയിട്ട് എനിക്ക് മിസ്സ്‌ കാള്‍ തന്നാല്‍ മതി. അല്ലെങ്കില്‍ അവര്‍ക്ക് സംശയം തോന്നും'
'അതിനു ഞാന്‍ ഏതെങ്കിലും സൂപ്പര്‍മാര്‍ക്കറ്റിന്റെ ബാഗുമായി വന്നാല്‍ പോരെ? പാലോ, പഴമോ എന്തെങ്കിലും ഡെലിവറി ചെയ്യുന്ന ആളാണ് എന്ന വ്യാജേനെ അവിടെ എത്തിയാല്‍ പോരെ' അയാളുടെ ചോദ്യം അവള്‍ ഒട്ടും പ്രതീക്ഷിച്ചില്ല എന്ന് തോന്നുന്ന വിധത്തില്‍ അവള്‍ പൊട്ടിപൊട്ടി ചിരിച്ചു കൊണ്ട് പറഞ്ഞു ' എന്നെ ഫോണില്‍ വിളിക്കുന്ന ഒരാള്‍ ആദ്യമായാണ് ഇങ്ങിനെ ഒരു സൂത്രത്തെ കുറിച്ച് എന്നോട് പറയുന്നത്'
അയാള്‍ക്ക് തന്റെ കഴിവില്‍ അഭിമാനം തോന്നി. കുറെ ആലോചിച്ചു ചിന്തിച്ചു കണ്ടെത്തുന്ന ഒരു ഉത്തരത്തില്‍ അധികം പെട്ടെന്ന് തലയില്‍ ഉദിച്ചു വരുന്ന ചിന്തകളാണ് ഒരു വില്പനക്കാരന്റെ വിജയം തീരുമാനിക്കുന്നത് എന്ന് അയാള്‍ക്ക് തോന്നി. അവള്‍ക്കു തന്നെ മനസ്സിലായിട്ടില്ല എന്ന വസ്തുത അയാളെ ഹര്‍ഷപുളകിതനാക്കി.
.
അവളെ കാണാന്‍ പോവാന്‍ അയാള്‍ തയ്യാറായി. തന്റെ കടയില്‍ നിന്ന് സാധനനങ്ങള്‍ വാങ്ങാതെ, തൊട്ടടുത്തുള്ള കടയില്‍ നിന്ന് അയാള്‍ പാലും, മുട്ടയും പഴവും വാങ്ങി അവളുടെ താമസസ്ഥലം അനേഷിച്ചു പോയി. കുറെ കോണ്‍ക്രീറ്റ് കെട്ടിടങ്ങള്‍ക്ക് ഇടയിലായി ചെറിയ ഒരു കെട്ടിടം അയാള്‍ കണ്ടു. അതിലാണ് അവള്‍ താമസിക്കുന്നതെന്ന് അയാള്‍ക്ക് മനസ്സിലായി. ആ കെട്ടിടത്തിന്റെ ഏറ്റവും പിറകിലായി ഒരു വാതില്‍ ഉണ്ട്. അത് തുറന്നു വേണം അകത്തേക്ക് പ്രവേശിക്കുവാന്‍ എന്ന് അവള്‍ പറഞ്ഞത് അയാള്‍ ഓര്‍ത്തു. അയാള്‍ അങ്ങിനെ ഒരു വാതില്‍ അനേഷിച്ചു കെട്ടിടത്തിന്റെ പിറകു വശത്ത് അനേഷിച്ചപ്പോൾ. കെട്ടിടത്തിന്റെ പിറകില്‍ ഒന്നിലേറെ വാതിലുകള്‍ അയാള്‍ കണ്ടു. ഓരോ വാതിലില്‍ കൂടിയും ആളുകള്‍ പുറത്തേക്കും അകത്തേക്കും പോവുന്നുണ്ടായിരുന്നു. ഏതു വാതിലിലൂടെ പ്രവേശിച്ചാല്‍ ആണ് അവളുടെ ഫ്ലാറ്റില്‍ എത്തുക? അയാള്‍ ചിന്താമഗ്നനായി. അവള്‍ക്കു വിളിച്ചാലോ? എന്തും വരട്ടെ എന്ന് കരുതി അയാള്‍ അവള്‍ക്കു വിളിച്ചു. അവള്‍ കാള്‍ എടുത്തില്ല. അയാള്‍ തുടരെ തുടരെ വിളിച്ചു കൊണ്ടേയിരുന്നു. അയാള്‍ക്ക് എന്തെന്നില്ലത്ത നിരാശ തോന്നി. അയാള്‍ ഓര്‍ത്തു ഒരു പക്ഷെ അവള്‍ തന്റെ പാര്‍ട്ട്‌ ടൈം ജോലി ചെയ്യുക ആയിരിക്കും. അതായിരിക്കും കാള്‍ എടുക്കാത്തത് . ഏതു സമയത്തും സംഭവിക്കുന്ന ഈ അവസ്ഥ കാരണം കൊണ്ട് ആയിരിക്കാം ഫ്ലാറ്റിലേക്കുള്ള വാതിലിനെ കുറിച്ച് നേരത്തെ പ്രത്യേകം വിവരിക്കാതെ ഇരുന്നത്. പല വാതിലിലൂടെ കയറി ഇറങ്ങി അവസാനം അയാൾ നിരാശയോടെ നടക്കുമ്പോൾ ഒരു പെണ്‍കുട്ടിയുടെ പൊട്ടിച്ചിരി കേള്ക്കുന്നത് പോലെ അയാള്ക്ക് തോന്നി.
.
പൊട്ടിച്ചിരി കേൾക്കുന്ന ഭാഗത്തേക്ക് അയാൾ നടന്നു. അത് ഒരു വീടിന്റെ ഇടനാഴിയിലേക്ക് അയാളെ എത്തിച്ചു. തേക്കിൽ തീർത്ത ഒരു മനോഹരമായ വാതിൽ അയാളുടെ കണ്ണില്പ്പെട്ടു. വാതിന് ഒരു വശത്തായി കാളിംഗ് ബെല്ലിന്റെ ചിത്രം അയാൾ ശ്രദ്ധിച്ചു. ആ ചിത്രത്തിൽ വിരൽ തൊടാൻ അയാൾ തുനിഞ്ഞുവെങ്കിലും അവളുടെ ഓർമ്മപ്പെടുത്തൽ അയാൾ ആ ഉദ്ദ്യമത്തിൽ നിന്ന് പിന്തിരിപ്പിച്ചു. അവൾ പറഞ്ഞത് പ്രകാരം മിസ്സ്‌ കാള്‍ അടിച്ചു കൊണ്ട് അവള്‍ വാതില്‍ തുറക്കാനായി അയാള്‍ കാത്തു നിന്നു. കുറച്ചു നേരത്തിനു ശേഷം ഡോറിനു അടുത്തേക്ക് ആരോ നടന്നു അടുക്കുന്നത് പോലെ അയാള്ക്ക് തോന്നി. ആ പതിഞ്ഞ കാലടി ശബ്ദം അയാളെ ഉത്കണ്ടകുലനാക്കി. കുറെ നിമിഷങ്ങള്ക്ക് ശേഷവും ഡോർ തുറക്കതെയായപ്പോൾ, ആ കാലടി ശബ്ദം അകന്നു പോവത്തതിനെ കുറിച്ച് അയാൾ ആലോചിച്ചു. അപോഴാണ് വാതിലിൽ സ്ഥാപിച്ച ലെൻസ്‌ അയാൾ കണ്ടത്. ഒരു പക്ഷെ ആ ലെന്സിലൂടെ അവൾ തന്നെ നോക്കുക ആയിരിക്കും എന്ന് അയാള്‍ക്ക് തോന്നി. തന്നെ അവൾ കാണുന്നതും, ചമ്മിയ ചിരിയൊതുക്കി വാതിലിന്റെ വാതിലിന്റെ സാക്ഷ നീക്കി തന്നോട് അകത്തേക്ക് വരാൻ ആവശ്യപ്പെടുന്നതും കാത്തു അയാൾ അക്ഷമനായി നിന്നു. കാത്തു നില്ക്കുന്ന ഓരോ നിമിഷത്തിനും മണിക്കൂറുകളുടെ ദൈര്ഘ്യം ഉള്ളത് പോലെ തോന്നിയപ്പോൾ അയാൾ അസ്വസ്തയോടെ മനസ്സില് അവളെ തെറി വിളിച്ചു. ഒരു പക്ഷെ തന്നെ ആയിരിക്കില്ല അവള്‍ പ്രതീക്ഷിചിട്ടുണ്ടാവുക. തന്നെ കണ്ടത് അവളെ കുപിതയാക്കിയിരിക്കും എന്ന് തീര്‍ച്ചയാണ്. അത് കൊണ്ടാവാം വാതില്‍ തുറക്കാതെ അവള്‍ അവിടെ തന്നെ സ്തബ്ധയായി നില്‍ക്കുന്നത്. തന്റെ കുസൃതി ഓർത്ത്‌ ആ അസ്വസ്ഥമായ അവസ്ഥയിലും അയാൾ ചിരിച്ചു. കുറെ നേരത്തെ കാത്തിരിപ്പിന്നു ശേഷവും അവളില്‍ നിന്ന് പ്രതികരണം ഒന്നും കാണാതെ വന്നപ്പോള്‍ അയാള്‍ അവള്‍ക്കു ഫോണ്‍ ചെയ്തു. അവള്‍ ഫോണ്‍ കണക്ട് ചെയ്തുവെങ്കിലും തിരിച്ചു ഒന്നും പറഞ്ഞില്ല. ഫോണ്‍ ഡിസ്കണക്ട് ചെയ്തതുമില്ല. നിരാശയും ദേഷ്യവും സങ്കടവും തോന്നി. തിരിച്ചു നടക്കാന്‍ തുടങ്ങുമ്പോള്‍ ഫോണിൽ അവളുടെ ശബ്ദം അയാൾ കേട്ടു 'കള്ളന്‍, എന്നെ പറ്റിച്ചു' തിരിഞ്ഞു നോക്കുമ്പോള്‍ വാതിലിന്റെ സാക്ഷ പതുക്കെ നീങ്ങിവരുന്നത് അയാള്‍ കണ്ടു. വാതിൽ തുറന്നു അകത്തു കയറി അയാൾ അത്ഭുതപെട്ടു. ആ മുറിക്കു അകം നിറയെ ഇടഭിത്തികൾ നൽകി കുറെ കൊച്ചു മുറികൾ രൂപപ്പെടുത്തിയിരിക്കുന്നു. ഓരോ മുറികളുടെ കവടങ്ങളിലും നർത്തകിമാർ എന്ന് തോന്നിപ്പിക്കുന്ന കുറെ പെണ്‍കുട്ടികൾ നിൽപ്പുണ്ടയിരുന്നു അവരെ കണ്ടപ്പോൾ അയാള്ക്ക് ദാഹം അനുഭവപ്പെടുന്നതായും ചുണ്ടുകൾ വരളുന്നതയും തോന്നിത്തുടങ്ങി. വിയര്പ്പിന്റെയും, പലതരം സുഗന്ധദ്രവ്യങ്ങളുടെയും സമ്മിശ്രമായ മണം അവിടെയാകെ നിറഞ്ഞു നില്ക്കുന്നതായി അയാൾ തോന്നി. താൻ അനേഷിച്ചു വന്നവൾക്ക്‌ വേണ്ടി അയാളുടെ കണ്ണുകള പരതി നടക്കവേ, ഒരു ഗ്ലാസിൽ പാലും, സ്വര്‍ണ്ണനിറമുള്ള ചിത്ര ഫലകം കൊത്തിവച്ച ഒരു തളികയിൽ കുറെ മുട്ടകളും കയ്യിൽ പിടിച്ചു നവവധുവിനെ പോലെ അണിഞ്ഞൊരുങ്ങി അവൾ തന്റെ അടുത്തേക്ക് നടന്നു വരുന്നത് അയാൾ കണ്ടു'
.
'നിരന്തരം നിലവിളിക്കുന്ന ഭാരത സ്ത്രീയിൽ നിന്ന് നവീന സ്ത്രീയിലെക്കുള്ള മാറ്റമാണ് ഈ ചാനൽ ഷോയിലൂടെ അനാവരണം ചെയ്യപ്പെടാൻ പോവുന്നത്' എന്ന ആമുഖത്തോടെ ദ്രിശ്യവല്ക്കരിക്കപ്പെട്ട 'വശീകരണം എന്ന കഥ' ചാനൽ പുറത്തു വിട്ടതോടെയാണ്, തന്റെ കഥ ചിത്രീകരിച്ചു വരുന്നതിനു വേണ്ടിയുള്ള അവളുടെ കാത്തിരിപ്പിനു വിരാമമായിയത്. ഒളി ക്യാമറകളിലൂടെ വസ്ത്രങ്ങളുടെ മറയില്ലാതെ 'സ്ത്രീ' ആഘോഷം ആകുന്ന കാഴ്ചകണ്ട്‌ വേട്ടക്കാരന്റെ വലയ്ക്കു കീഴിലൊതുങ്ങി ആകാശവും ഭൂമിയും നഷ്ടപ്പെട്ട ഒരു പറവയെ പോലെ അവൾ തേങ്ങി..

ആ കണ്ണുകള്‍ നനയരുത്

" ബിന്ദു..'അവൾ നിഷ്കളങ്കയായിരിക്കും..നിങ്ങൾ പെണ്മനസ്സുകൾ ശുദ്ധമാണ്. നിങ്ങള്ക്ക് കളവു പറയാൻ അറിയില്ല. നിങ്ങൾ നീതി നിഷേധിക്കപ...